Aðalfundur Skotgrund

30.04.2012 09:47

74 þing HSH

74 Þing HSH var haldið að Lindartungu í Kolbeinsstaðahreppi (Borgarbyggð) þriðjudaginn 24 apríl og hófst þingið kl. 18.00

Þingið var starfsamt og góðar umræður um starf HSH og tillögur sem lágu fyrir þinginu.
Alexander Kristinsson, UMF.Reyni gaf ekki kost á sér til áframhaldandi setu í stjórn og var Þráinn Ásbjörnsson, Eldborg kjörin í hans stað í stjórn, Við þökkum Alexander fyrir gott starf í gengum árin.
Í varastjórn komu þau Dagný Þórisdóttir, Mostra og Dagbjartur Harðarson, Vestarr ný inn.
Góðir gestir sóttu þingið heim en frá ÍSÍ komu Ólafur Rafnsson, forseti ÍSÍ og Gunnar Bragason gjaldkeri ÍSÍ og frá UMFÍ voru Helga Guðjónsdóttir formaður og Sæmundur Runólfsson, framkvæmdarstjóri.
Þingforseti var Kristján Magnússon Eldborg og ritari þings var María Valdimarsdóttir, Snæfell.
Ólafur flutti kveðju frá stjórn ÍSÍ og starfsfólki þess. Hann minntist 100 ára afmælis ÍSÍ, kom inn á fyrirmyndarfélag ÍSÍ og hæld starfi HSH ásamt að þakka fyrir störf framkvæmdarstjóra HSH inn í stjórn ÍSÍ en Garðar var kjörinn í varastjórn ÍSÍ á síðasta Íþróttaþingi.
Ólafur heiðraði svo 3 aðila starfsmerkjum ÍSÍ

Gullmerki ÍSÍ
Haukur Sveinbjörnsson UMF.Eldborg. Gjaldkeri Eldborgar 1952 í eitt ár.
Formaður Eldborgar í nokkur ár í kringum 1960. Formaður HSH 1961 - 1965. Formaður Snæfellings 1970 - 1976. Tók þátt í stofnun Snæfellings 1965 og heiðursfélagi þess. Vann í þrjátíu ár sjálfboða starf í þágu félagsins á félagssvæði þess á Kaldármelum.

Davíð Sveinsson, UMF.Snæfell Knattspyrna: Spilaði frá 1972 til 1985, auk þess að vera í stjórn knattspyrnudeildar í 8 ár. Var með dómararéttindi og dæmdi í nokkur ár leiki hér á svæðinu. Körfubolti: Spilaði með Snæfell frá árinu 1972 til 1979 og 1984 til 1987 og þjálfaði yngriflokka á sama tíma. Var í stjórn körfuknattleiksdeildar 1974 til 1979 og síðan verið í stjórn yngriflokka í 10 ár til dagsins í dag. Var í stjórn mfl. 1985 - 1988 og síðan aftur 2007 - til dagsins í dag. Var með dómararéttindi og dæmdi marga leiki í öllum deildum á vegum KKÍ auk þess að dæma mikið hér heima. Er núna gjaldkeri í stjórn mfl. Snæfells Í körfu og einnig hjá yngriflokkum.
Stjórn: Var í stjórn Snæfells 1975 - 1979 og síða aftur 1985 - 1991 þar af formaður 1989 - 1991. Sat í stjórn HSH í nokkur ár.

Silfurmerki ÍSÍ
Guðmundur Gíslason, UMF.Grundarfjarðar.
Hefur starfað vel og lengi í stjórnunarstörfum fyrir íþróttahreyfinguna.
Síðustu ár hefur hann staðið bak við félagsstarf og afþreyingu og meðal annars séð um getraunahóp UMFG.

Ólafur Rafnsson, forseti ÍSÍ , Guðmundur, Haukur, Davíð og Gunnar Bragason gjaldkeri ÍSÍ

Helga Guðjónsdóttir formaður UMFÍ
Flutti kveðju frá Stjórn og starfsfólki UMFÍ

Kristján Magnússon, Eldborg þingforseti

30.04.2012 09:39

Vinnuþjarkur HSH

Kvennablaklið Grundarfjarðar hlaut á dögunum verðlaunin Vinnuþjarkar HSH á Héraðsþingi HSH sem haldið var fyrir skömmu. Vinnuþjarkur HSH er veittur þeim aðila innan HSH sem þykir hafa unnið gott og mikið starf og verið öðrum fyrirmynd. Stjórn HSH samþykkti einróma að veita Kvennadeild UMFG í blaki viðurkenningu fyrir frábært starf í uppbyggingu blakíþróttarinnar í Grundarfirði og auk þess að hafa byggt upp sitt eigið starf hefur barnastarfið ásamt körlum fengið að njóta krafta kvennana. Þar sem að enginn úr blakliðinu komst á þingið var brugðið á það ráð að sitja fyrir þeim þegar þær voru að leggja af stað á Öldungamótið á Siglufirði síðasta föstudag. Garðar Svansson framkvæmdarstjór HSH og Tómas Kristjánsson gjaldkeri HSH fóru á undan þeim og stoppuðu þær við bæinn Hamra. Þar afhenti Garðar þeim bikarinn áður en við sendum þær aftur af stað.

Vel gert blakkonur. Þið eigið þetta skilið.

Skrifað af Tommi

24.04.2012 10:31

HSH í frjálsum innanhús

Héraðsmót HSH í frjálsum innanhúss

Laugardaginn 21 apríl var Héraðsmót HSH í frjálsum íþróttum innanhús haldið í Stykkishólmi Alls tóku 54 keppendur þátt í mótinu og voru 16 keppendur frá UMFG og 38 frá Snæfelli

Keppt var í 35 m hlaupi, langstökki með og án atrennu, 9-15 ára kepptu að auki í kúluvarpi og hástökki, og 13-16 ára kepptu ennfremur í þrístökki án atrennu.

Má með sanni segja að krakkarnir hafi öll staðið sig með stakri prýði og verið sér og sínum til sóma. Nokkur voru að taka þátt í sínu fyrsta íþróttamóti og mörg voru að bæta sinn persónulega árangur í vetur og gaman að sjá afraksturinn hjá þeim.

Svona mót er ekki haldið nema að hafa foreldra sem eru tilbúnir að aðstoða við að skrifa, mæla eða passa upp á að allir séu á sínum stað í röðinni. Við þökkum öllum foreldrum sérstaklega fyrir hjálpina á þessu móti.

Hægt er að sjá úrslit mótsins á mótaforriti FRÍ, smellið hér (eða inn á fri.is og þar inn í mót, síðan mótaforrit og klikka á héraðsmót HSH 21. apríl 2012).

Á meðfylgjandi mynd má sjá þátttakendurna og eru flestir í nýju bolunum sem bæði frjálsíþróttaráð UMFG og Snæfells hafa látið prenta, með stuðningi HSH og félaganna. Merki HSH og viðkomandi félags eru prentuð framan á bolina, en aftan á þeim er áletrunin HSH og Frjálsar.

HSH, frjálsíþróttaráð UMFG og frjálsíþróttaráð Snæfells

23.04.2012 16:28

Þing HSH á morgun í Lindartungu

74 Þing

Héraðssambands

Snæfellsness og Hnappadalssýslu

Héraðsþingi HSH verður haldið

24 apríl kl. 18.00 í

Lindartungu, Borgarbyggð (Kolbeinstaðahrepp)

Á þinginu eiga 15 félög með 38 þingfulltrúa seturétt,

Öllum félögum í aðildarfélögum HSH heimil þátttaka og málfrelsi

20.04.2012 14:31

Þing HSH verður haldið 24 apríl

74. Héraðsþing HSH haldið 24, apríl 2012 í

Félagsheimilinu Lindartungu, Kolbeinsstaðahrepp

Dagskrá þings

1.Þingsetning.

2.Tilnefning þingforseta, varaþingforseta og tveggja þingritara.

3. Skipun kjörbréfanefndar.

4. Skýrsla stjórnar.

5. Lagðir fram endurskoðaðir reikningar.

6.Umræður um skýrslu stjórnar og reikningar lagðir fram til samþykktar.

7. Kosning nefnda þingsins:

a)Fjárhagsnefnd.

b)Íþróttanefnd.

c)Allsherjar- og laganefnd.

8. Ávörp gesta

19. Fjárhagsáætlun lögð fram.

10. Framkomnar tillögur lagðar fram og vísað til nefnda.

11. Nefndarstörf.

12. Nefndaálit, umræður og atkvæðagreiðslur.

13. Kosningar:

a) Formaður HSH

b) Aðrir í stjórn og varastjórn.

c) Tveir skoðunarmenn og tveir til vara.

d) Ráð og nefndir skv. gildandi samþykktum og reglugerðum.

e) Uppstillinganefnd, 4 af formönnum aðildarfélaga HSH, sem starfar fram að

næsta héraðsþingi.

f) Kosning fulltrúa á Íþróttaþing ÍSÍ

14. Önnur mál.

15. Þingslit.

19.04.2012 15:56

Héraðsmót í frjálsum

Héraðsmót HSH í frjálsum íþróttum

Hér koma frekari upplýsingar um keppnisgreinar og aldursflokka á héraðsmótinu næsta laugardag:

Mótið fer fram í íþróttahúsinu í Stykkishólmi og hefst kl. 10.00. Áætlað er að því ljúki um kl. 13-14 en það fer nokkuð eftir fjölda þátttakenda.

Keppt er í eftirfarandi greinum og aldursflokkum:

8 ára og yngri
35 m hlaup, langstökk án atrennu og langstökk með atrennu.

9 - 10 ára
35 m hlaup, langstökk án og með atrennu, kúluvarp og hástökk.

11 - 12 ára
35 m hlaup, langstökk án og með atrennu, kúluvarp og hástökk.

13 ára og eldri (13-14, 15-16, karla og kvennaflokkur
35 m hlaup, langstökk án og með atrennu, kúluvarp, hástökk og þrístökk án atrennu.

Þátttakendur þurfa að skrá sig fyrir kl. 18.00 föstudaginn 20. apríl.

Ekki verður hægt að bæta við keppendum eftir að skráningu lýkur - svo endilega skráið keppendur tímanlega.

Skráningar eru hjá þjálfurum, þeim Kristínu Höllu í síma 899 3043 og netfanginu kristhall@centrum.is og Elínu Rögnu í síma 864 3849 og netfanginu elin.ragna@stykk.is

Við vonumst til að sem flestir iðkendur taki þátt og að foreldrar eigi kost á að fylgja börnum sínum á mótið.

Athugið að það er ekki skylda að taka þátt í öllum greinum.

Allir þátttakendur 10 ára og yngri fá viðurkenningu fyrir þátttökuna og lögð er áhersla á að gleyma ekki leikgleðinni :-)

Veitt eru verðlaun fyrir 3 efstu sætin hjá 11 ára og eldri í hverri grein.

Okkur vantar líka vinnufúsar hendur til að aðstoða við að stilla upp fyrir mótið (kl. 9.30) og til að aðstoða á mótinu sjálfu. Foreldrar og aðrir áhugasamir sem geta lagt okkur lið, endilega látið þjálfara eða stjórn HSH vita.

Með frjálsíþróttakveðju,

HSH og frjálsíþróttaráð UMFG og Snæfells