Grundarfjörður Meistaraflokkur Karla í knattspyrnu

Víkingur Ól - Grundarfjörður 12 - 5
Mörk Grundarfjarðar:
Ragnar Smári 3
Ingi Björn
Semek
...
Svo voru reyndar slatti af Grundfirðingum sem skoruðu fyrir Víking, Mörk Víkings gerðu Brynjar Gauti, Alfreð Hjaltalín og Grundfirðingarnir Brynjar Kristmunds, Heimir Þór og Dominik 

Dagskrá afmælisráðstefnu KÞÍ 13. nóvember

Knattspyrnuþjálfarafélag Íslands verður 40 ára laugardaginn 13 nóvember

Í tilefni af 40 ára afmæli Knattspyrnuþjálfarafélags Íslands blæs félagið til afmælisráðstefnu í samvinnu við KSÍ.  Ráðstefnan fer fram í höfuðstöðvum KSÍ, laugardaginn 13. nóvember og hefst kl. 10:00.

Dagsrká ráðstefnunnar er svohljóðandi:

10:00                Setning - Sigurður Þórir Þorsteinsson,  formaður KÞÍ

10:15                U-21 árs landslið Íslands.  Fyrirlesari : Sigurður Ragnar Eyjólfsson 

11:15                Skipulag þjálfunar þýskra landsliða. Fyrirl. Michael Köllner fræðslunefnd DFB

12:30                Hádegishlé

13:15                Líkamleg þjálfun knattspyrnumanna. Fyrirlesari : Raymond Verheijen

15:00                Ráðstefnulok

Ráðstefnustjóri : Kristján Guðmundsson

Verð : 3500 krónur, en 1500 krónur fyrir félagsmenn KÞÍ.  Innifalið er kaffi og hádegisverður.

Þátttaka á ráðstefnunni gildir sem fimm tímar í endurmenntun fyrir KSÍ B ( UEFA B) og  KSÍ A (UEFA A)

Þátttaka tilkynnist á netfang : kthi@kthi.is

KSÍ heldur ráðstefnu um þjálfun barna 12. nóvember

Aðalfyrirlesari verður Ian Bateman tækniþjálfari frá enska knattspyrnusambandinu

KSÍ mun halda ráðstefnu um þjálfun barna föstudaginn 12. nóvember næstkomandi.  Aðalfyrirlesari verður Ian Bateman tækniþjálfari frá enska knattspyrnusambandinu.  Ian mun verða með bóklegan fyrirlestur og verklegar æfingar. 

Sigurður Ragnar Eyjólfsson fræðslustjóri KSÍ mun kynna nýjan DVD disk sem KSÍ hefur tekið upp og er að vinna í að gefa út og snýr að tækniþjálfun barna og á að hvetja börn í að vera dugleg að æfa sig sjálf. 

Fleiri fyrirlesarar munu koma að ráðstefnunni og áhugasamir þjálfarar eru beðnir um að taka daginn frá en dagskrá ráðstefnunnar verður kynnt nánar síðar.  Aðgangur að ráðstefnunni er ókeypis og öllum opin. 

Skráning er hafin og hægt er að skrá sig með því að senda tölvupóst á dagur@ksi.is og taka þarf fram fullt nafn, kennitölu, gsm síma og netfang. 

Víkingur - Snæfell Sunnudaginn 7 nóvember

Smelltu á andlitið á fólkinu á myndinni til að merkja það.

Leikmannamarkaðurinn

Snæfell-Haukar var í beinni á Haukar.is en gæðin mættu vera betri. Stúlkurnar byrjuu vel og voru yfir 17-10 eftir fyrsta hluta og stríddu Hafnarfjarðarstúlkum em voru nýkomnar með erlendan leikmann Katie Snodgrass. Í hálfleik var staðna hinsvegar jöfn 32-32 eftir að Helga Hjördís jafnaði af vítalínunni undir lokin. Í hálfleik var Ragna Margrét var komin með 10 stig og 10 fráköst fyrir Hauka en Inga 14 stig og 12 fráköst fyrir Snæfell og Helga Hjördís 7 stig.

Það fór allt í baklás hjá Snæfelli í síðari hálfleik þegar Haukastúlkur skelltu strax 12-0 kafla á þær og ekkert gekk hjá Snæfelli sem þurftu að taka skellinn 15-7 í þriðja hluta og staðan 47-39.

Okkar stúlkur náðu lítið að vinna upp muninn sem Haukar skildu eftir sig sem var í kringum 10 stigin þar sem fór mikið fyrir Katie hjá Haukum. Mikil orka fór í að brúa bilið fyrir Snæfell sem var ekki að ganga upp og var þessi sprettur Hauka þeim mikilvægur og náðu þær að halda sínu fram til loka leiks og sigruðu Snæfellsliðið 70-59.  

Framlag leikmanna.

Haukar: Kathleen Patricia Snodgrass 23/6 frák/5 stoð, Ragna Margrét 15/16 frák/5 stoð, Gunnhildur Gunnars og Íris Sverris 9 stig hvor, Guðrún Ámundar 5/9frák, Helga Jónasd 5/10 frák, Þórunn og Sara 2 stig hvor, Dagbjört, Auður, Margétt og MaríaLind skoruðu ekki.

Snæfell:  Inga Muciniece 18/15 frák/4 varin skot, Berglind Gunnarsd 10 stig, Helga Hjördís og Sade Logan 9 stig hvor og Helga 6 fráköstum betur, Björg Guðrún 3/8 stoðs, Hrafnhildur Sif og Ellen Alfa 3 stig hvor. Rósa og Hildur 2 stig, Aníta og SaraMjöll skoruðu ekki.

Nánari tölfræði 

Símon B. Hjaltalín

Laugardaginn 11. desember verður haldið, Jólamót Snæfells í frjálsum íþróttum. Mótið fer fram í íþróttahúsinu í Stykkishólmi. Nánari dagskrá verður auglýst þegar nær dregur.

Allir krakkar sem eru að æfa frjálsar á Snæfellsnesi eru velkomnir og taka þátt í mótinu.

Æfingar hefjast að nýju í dag

Æfingar hjá meistarflokki karla í knattspyrnu hefjast að nýju í dag eftir vetrarfrí. Leikmenn Víkings hafa nú fengið rúmlega eins og hálfs mánaðar frí frá skipulögðum æfingum en æfingin á morgun fer fram í íþróttahúsi Snæfellsbæjar og hefst hún kl. 19:00.
        
Æfingar fara að mestu leyti fram í íþróttahúsinu en einnig er æft á sparkvellinum ef veður leyfir. Styrktaræfingar fara fram í líkamsræktarstöðinni Sólarsport líkt og undanfarin ár undir handleiðslu Ejubs og Bega.

Futsal keppni KSÍ hefst svo þann 6 nóvember þar sem Víkingar taka á móti nágrönnum sínum frá Grundarfirði kl. 14:00 í Ólafsvík. Í riðlinum eru einnig Breiðablik og Kári frá Akranesi.

Pub Quiz

Spenna í 3. deildinni

Pétur endurkjörinn formaður Vestarr - Hagnaður um 1,4 milljón

Aðalfundur golfklúbbsins Vestarr (GVG) fór fram í gærkvöldi þar sem lagðir voru fram rekstrarreikningar klúbbsins fyrir starfsárið 2010 ásamt því sem kosin var ný stjórn. Pétur Georgsson var endurkjörinn sem formaður Vestarr og er stjórnin lítið breytt frá síðasta ári.

Hugrún Elísdóttir og Páll Guðmundsson láta af störfum í stjórn en í þeirra stað komu inn Bryndís Theódórsdóttir og Kjartan Sigurjónsson. Einnig varð tilfærsla varð á embættum inn stjórnar klúbbsins en hana má sjá í heild hér að neðan.

Golfklúbburinn Vestarr stendur vel að vígi og var rekinn með tæplega 1,5 milljóna hagnaði á þessu rekstrarári. Rekstrarútgjöld voru 6.380.109.- en rekstrartekjur voru 7.992.795 kr.- Klúbburinn á 16.609.989 kr.- í eigið fé en skuldir klúbbsins eru 1.104.451 kr.-

Ný stjórn sem kosin var er svohljóðandi:
Formaður: Pétur Vilberg Georgsson
Ritari: Anna María Reynisdóttir
Gjaldkeri: Þórður Magnússon
Formaður Mótanefndar: Kjartan Sigurjónsson
Formaður Vallarnefndar: Garðar Svansson
Formaður Nýliðanefndar; Dagbjartur Harðarson
Formaður Skálanefndar; Helga Ingibjörg Reynisdóttir
Formaður Kvennanefndar: Bryndís Theódórsdóttir

Hér má sjá rekstrarreiking GVG fyrir árið 2010

Mynd/Kylfingur.is: Hér má sjá yfir Bárarvöll í Grundarfirði.

Forvarnadagurinn er haldinn 3. nóvember að frumkvæði forseta Íslands í samvinnu við Samband íslenskra sveitarfélaga, Íþrótta- og ólympíusamband Íslands, Ungmennafélag Íslands, Bandalag íslenskra skáta, Reykjavíkurborg og Háskólann í Reykjavík. Verkefnið er styrkt af Actavis. Yfirskrift forvarnadagsins er Taktu þátt! Hvert ár skiptir máli.

Rannsóknir fræðimanna við HÍ og HR leiða í ljós að samverustundir barna og foreldra og þátttaka ungmenna í skipulögðu frístundastarfi eru þær forvarnir sem eru einna öflugastar fyrir þennan aldurshóp.

Meginþungi átaksins verður í grunnskólum landsins og er 9. bekkur markhópurinn.  Miðað er við að ein kennslustund að minnsta kosti verði helguð verkefninu í öllum 9. bekkjum á landinu og munu fulltrúar frá ÍSÍ, UMFÍ og Bandalagi íslenskra skáta, heimsækja nemendur og kynna verkefnið ásamt því að kynna sín samtök. Net-ratleikur sem samtökin hafa útbúið hefur það að markmiði að krakkarnir fari á heimasíður samtakanna þriggja og leiti þar svara og kynni sér um leið starfssemi samtakanna.

 
Sambandsaðilar Ungmennafélags Íslands standa fyrir fjölbreyttu íþrótta- og æskulýðsstarfi um allt land. Þátttaka í þannig starfi hefur mikið forvarnagildi. Í gegnum tíðina hefur hreyfingin staðið fyrir forvarnaverkefnum og mun gera áfram.

Flott án fíknar er forvarnaverkefni ætlað ungu fólki í grunnskólum og framhaldsskólum, sem tekur til þriggja þátta, neyslu tóbaks, áfengis og ólöglegra fíkniefna. Verkefnið byggist á samningsbundnu klúbbastarfi og viðburðadagskrá þar sem unglingar skemmta sér saman á heilbrigðan og uppbyggilegan hátt.
Hugmyndafræði klúbbsins Flott án fíknar snýst um að koma í veg fyrir að unglingar byrji að fikta við tóbak og áfengi og styrkja þá í þeirri ákvörðun. Að fresta eins lengi og hægt er að hefja notkun vímugjafa og að fara eftir lögum um kaup á og notkun slíkra efna. Markmiðið með klúbbastarfinu er að unglingum finnist eftirsóknarvert að eyða unglingsárunum, sem vara fram að tvítugu, á heilbrigðan hátt og án tóbaks og vímuefna.

 
Ungmenna- og tómstundabúðirnar að Laugum í Sælingsdal hafa verið reknar um fimm ára skeið. Þangað koma nemendur úr 9. bekk grunnskólans og taka þátt í skipulagðri dagskrá sem inniheldur færðslu, skemmtun, íþróttir, forvarnir, kvöldvökur, útivist, heimavistarlíf o.fl.

Unglingalandsmót eru haldin á hverju ári um verslunarmannahelgina. Mótin eru sannkölluð fjölskyldumót þar sem foreldrar og börn koma saman í leik og keppni og áfengi er ekki haft um hönd. Mótin eru ætluð ungu fólki frá 11 - 18 ára og fjölskyldum þeirra og þátttaka fjölskyldunnar í þeim svarar vel kalli niðurstaðna frá forvarnadeginum þar sem unga fólkið leggur mikla áherslu á að fjölskyldan eyði ákveðnum tíma saman.

Ungmennafélag Íslands er stolt af því að starfið innan þess sýni að það hafi mikið forvarnargildi. Frá upphafi hefur hreyfingin lagt áherslu á íþróttir og félagsstarf sem heilsueflingu og mannrækt. Áherslan er á að allir geti tekið þátt og að allir geti fundið eitthvað við sitt hæfi sem veitir þeim gleði og lífsfyllingu.

Forvarnadagurinn er ekki síður áminning til okkar fullorðna fólksins en unglinganna. Það er okkar að leggja línurnar og senda þau skilaboð að unglingar neyti ekki tóbaks, áfengis eða annarra vímuefna en taki aftur á móti virkan þátt í heilbrigðu íþrótta - og félagsstarfi.

Samvera - þátttaka og að sniðganga vímuefni sem lengst er góður grunnur fyrir lífið. Eins og allt annað sem á að vera vel gert þarf grunnurinn að vera góður.

Unglingsárin eru fá og við sem erum fullorðin þurfum að styðja unga fólkið í að njóta unglingsáranna og við eigum að gefa okkur tíma með þeim. Munum að sem foreldrar tökum við að okkur átján ára ábyrgð með hverju barni sem við eignumst. Unga fólkið á rétt á okkar stuðningi, hvatningu, samveru og aðhaldi. Við stýrum samfélaginu núna en þeirra tími kemur. Á þeim hraða sem við lifum í  og því ástandi sem nú er í samfélaginu er ekki úr vegi að skipuleggja unglingsárin þannig að það verði gert ráð fyrir samveru og þátttöku í íþrótta- og félagsstarfi og að það komi af sjálfu sér að unglingar sniðgangi vímuefni. Það gera þeir með því að finna m.a. að viðhorf þeirra fullorðnu er á þann veg að við gerum ráð fyrir að þeir láti vímuefni eiga sig.

Forvarnadagurinn er lofsvert framtak. Það er von mín að dagurinn takist vel og skili þeim árangri sem unnið er að ásamt því að verða mikil og jákvæð kynning fyrir íþrótta- og æskulýðsstarfið í landinu. Sjá nánar www.forvarnadagur.is

Íslandi allt.

Helga G Guðjónsdóttir
formaður Ungmennafélags Íslands