Víkingur hafði betur

02.12.2009 14:45

Bón og þrif hjá Snæfell

Bón og þrif Snæfells endurtekin 12.desember

Leikmenn og meistaraflokka Snæfells í körfunni stóðu í ströngu á laugardaginn við þrif og bón á bílum bæjarbúa og höfðu ekki undan þrátt fyrir að vera með öll þrjú rýmin undir hjá Dekk og Smur og Áhaldahúsi bæjarins. Hægt var að fá þvott, bón og alþrif og þegar kíkt var við á Nesveginum voru bílar á öllum stöðvum og leikmenn og stjórnarmenn að taka þá í gegn. Bíll framkvæmdastjóra Héraðsmeistaranna vakti sérstaka athygli því það kom í ljós við þvottinn að bíllinn er í raun grænn en ekki brúnn. Þegar allir voru búnir að ljúka sinni vakt og þrifum þar með lokið í þetta skiptið var búið að taka 27 bíla í gegn. En þar sem enn var eftirspurn eftir þrifum og bóni á bílum þá ætla meistaraflokkarnir að bjóða aftur upp á bílaþrifin laugardaginn 12.desember og ná þá að taka þá sem urðu útundan núna og einnig þá sem ekki voru heima á laugardaginn og gátu því ekki nýtt sér tilboðin. Þetta var í sjálfsögðu allt gert til fjáröflunar meistaraflokkanna og tókst vel sem slíkt en svona hópvinna er ekki síður til að efla móralinn og þjappa hópunum saman um leið og hún eykur tengslin við íbúa og stuðningsfólk sem fær möguleika á að styrkja starfið og fá um leið eitthvað í staðinn.

Skrifað af Garðar

02.12.2009 14:44

Körfuboltaleiknum í kvöld frestað

Leik Snæfells og Hauka frestað

Leik Snæfells og Hauka í Iceland Expressdeild kvenna sem leika átti í kvöld, hefur verið frestað vegna veðurs. Leikurinn hefur verið færður til miðvikudagsins 9.desember kl.19:15.

Skrifað af Garðar

02.12.2009 14:42

Jólaball Knattspyrnustarfsins

Fótboltasamtarfið á Snæfellsnesi

Fótboltasamstarfið á Snæfellsnesi ætlar í samstafi við strákana í hljómsveitinni Matti IDOL og Draugabanarnir að halda ,, jólaball" fyrir fótboltakrakkana á Snæfellsnesi. Það kostar ekkert inn og vonumst við til þess að sjá sem flesta!

Staður og stund: Fimmtudagur 3. desember 2009 Samkomuhúsið í Grundarfirði

5. flokkur og yngri mæta kl 18:30 og verða til 20:00

4. 3. og 2. fl mæta kl 20:30 og verða til kl 22:00

Draugabanarnir taka ekkert fyrir að spila fyrir krakkana og þökkum við þeim kærlega fyrir framtakið.

Skrifað af Garðar

02.12.2009 14:20

Nágrannaslagur í kvöld

Í kvöld spila Grundfirðingar og Ólsara í Futzal í Íþróttahúsinu í Ólafsvík.

Leikurinn hefst kl. 19 og er eins og áður sagði í íþróttahúsinu í Ólafsvík

Ljóst er að hér verður hörkuleikur en nokkrir af Grundfirðingunum sem hafa spilað með Víking síðustu ár eru komnir heim og eru tilbúnir að leggja allt sitt fram gegn gömlum félögum

Hvetjum alla til að mæta í Ólafsvík og fylgjast með slagnum í kvöld

Skrifað af Garðar