Lokahóf Víkings Ólafsvík 2009

Lokahóf Víkings var haldið með pomp og prakt  laugardagskvöldið 3 október í Félagsheimilinu Klifi Ólafsvík. Útnefndir voru efnilegustu- og bestu leikmennirnir auk þess sem sem markhæsti leikmaður liðsins fékk viðurkenningu. Veislustjóri kvöldsins var Gunnar Örn Arnarson og á boðstólunum voru dýrindis krásir sem reiddar voru fram af sælkerakokkunum Alla Netó, Lalla Löggu og Stebba Fera(Furu:)

Efnilegsti leikmaður Víkings árið 2009 var kjörinn Brynjar Gauti Guðjónsson en auk þess að spila með Víkingum tók Brynjar þátt í hinum ýmsu verkefnum með U-18 landsliði Íslands þar sem hann var fastur byrjunarliðsmaður.

Bestur að mati leikmanna Víkings var kosinn Tryggvi Hafsteinsson sem spilaði vel í hægri bakvarðarstöðu liðsins á liðnu sumri. Tryggvi sem undanfarin sumur hefur glímt við þráðlát meiðsli hélt sér heilum í allt sumar og spilaði nær alla leiki liðsins.

Markahæsti leikmaður liðsins var svo Fannar Hilmarsson með 6 mörk og fékk hann viðurkenningu fyrir þann glæsilega árangur. Ekki er hægt að segja að Fannar sé að upplagi framherji en hann fyllti svo sannarlega í skarð Josip Marosevic sem yfirgaf liðið á miðju sumri.

Í ræðu formanns (Jónas Gestur) kom svo fram að nokkrir leikmenn liðsins hefðu skrifað undir nýja samninga en þeir eru; Þorsteinn Már Ragnarsson, Brynjar Gauti Guðjónsson og Fannar Hilmarsson. Það er nokkuð ljóst að mikilvægt er að liðið haldi sem flestum leikmönnum frá liðnu sumri til að byggja liðið upp að nýju og koma því upp um deild sem allra fyrst.

Undirritaður vill svo þakka öllum ánægjulegar stundir og samstarf á sumrinu sem nú er liðið. 

Gunnar Örn Arnarson
         
Tryggvi,Brynjar og Fannar taka við viðurkenningum
         

         
Tryggvi og Guðný tóku lagið                                Jónas fékk derhúfubikarinn fyrir flottasta rauða spjaldið.
         
Þessir vildu ekki myndatöku.               Tapliðið í Ungir vs. Gamlir

Fram fór fyrsti leikurinn í Fjárhúsinu þessa leiktíð og voru gestir Snæfells að þessu sinni nýliðar Hamars frá Hveragerði. Dæmendur voru þeir sveigjanlegu Rögnvaldur Hreiðarsson og Jakob Árni Ísleifsson. Hamarsmenn byrjuðu með látum og héldu Snæfelli niðri en voru ekki að gera stóra hluti í sókninni sálfir og allt byrjaði í járnum og lítilli hittni. En eftir hálfleikinn komu Snæfellingar ferskari inná og settu sig í betri gír í sókninni og kláruðu leikinn 90-58.

 

Snæfellingum er spáð silfursætinu í Iceland Express-deild karla í körfuknattleik á komandi leiktíð, en Snæfell verður hins vegar í næstneðsta sæti Iceland Express-deildar kvenna ef marka má spá þjálfara, fyrirliða og forráðamanna liðanna í deildunum.  Snæfellsliðin eru bæði undir stjórn hins margreyndar Inga Þórs Steinþórssonar, sem á von á viðburðarríkum vetri.  Sportvarpið hitti á Inga Þór á fréttamannafundi KKÍ í dag og viðtalið við hann má nálgast með á linkinum hér fyrir neðan

http://www.sport.is/fullfrettir.php?idnews=15175

 

Næsti umsóknarfrestur til að skila inn

umsóknum er 1. nóvember 2009

Verkefnin verða að hefjast á tímabilinu

1. febrúar - 31. júlí 2010

Umsækjendur eru hvattir til að lesa

Handbók 2009 í umsóknarferlinu

 

Umsóknarfrestir eru fimm sinnum á ári og er einnig hægt að sækja um styrk 1. febrúar 2010.

 

 

Evrópa unga fólksins (EUF) veitir styrki til fjölbreyttra verkefna. Hægt er að sækja um í eftirtalda flokka:

 

Ungmennaskipti

Skólahópar, hópar úr félagsmiðstöðvum eða ungmennahúsum, og ungmenni í æskulýðsstarfi  geta fengið styrk til að mynda tengsl við sambærilega hópa í öðrum Evrópulöndum.

 

Frumkvæði ungs fólks

Ungir frumkvöðlar geta fengið styrk til að koma hugmyndum sínum á framfæri.  Styrkir eru veittir til verkefna sem unga fólkið kemur með hugmyndir að og skipuleggur vinnuna með aðstoð leiðbeinenda.

 

Lýðræðisverkefni

Verkefni í þessum flokki eru ætluð til þess að hvetja ungt fólk til að taka virkan þátt í lýðræðislegu samfélagi og til þess að þau láti sig umhverfi sitt skipta.

 

Sjálfboðavinna

Ungt fólk getur fengið styrk til að vinna sjálfboðaliðastörf erlendis í allt að 12 mánuði. Stofnanir/samtök geta einnig útbúið verkefni og fengið til sín sjálfboðaliða í 2 - 12 mánuði.  Þannig geta þau útvíkkað starfið og fengið nýjar víddir með því að fá áhugasamt ungt fólk frá Evrópu með í hópinn.

 

Þjálfun og samstarf

Í þessum flokki eru veittir styrkir til þeirra sem eru virkir í ungmennastarfi og hafa hug á að  skipuleggja og/eða sækja tengslaráðstefnur og ýmis námskeið og kynningar

Hinir ungu peyjar í 8. flokki kepptu í Fjárhúsinu á laugardaginn þrjá leiki. KFÍ afboðaði komu sína á fjölliðamótið vegna veðurs þannig að ákveðið var að keyra þetta á laugardeginum. Strákarnir í Snæfell unnu alla sína leiki undir stjórn Hlyns Bæringssonar og áttu þeir tvo auðvelda leiki á móti Fjölnib og Fsu en síðasti leikurinn við UMFH var spennandi fram á lokasekúndur. Hér að neðan eru úrslit leikja Snæfells.

• Snæfell - Fjölnir b   56-23
• Snæfell - Fsu         72-19
• Snæfell- UMFH      41-38 

Helga Guðrún Guðjónsdóttir var í dag endurkjörin formaður Ungmennafélags Íslands á 46. sambandsþingi þess sem fram fór í Reykjanesbæ um helgina.

Helga Guðrún var ein í kjöri og reis þingheimur úr sætum og klappaði innilega fyrir henni. Helga Guðrún var fyrst kvenna í sögu hreyfingarinnar kjörin formaður fyrir tveimur árum.

Um 120 þingfulltrúar sátu sambandsþingið. Fjölmörg mál og tillögur voru til umfjölunnar og afgreiðslu á þinginu.

,,Á þessari stundu er mér efst í huga þakklæti, gleði og ánægja að fá að takast á við þetta göfuga, skemmtilega og góða hlutverk næstu tvö árin. UMFÍ er hreyfing sem er að vinna öflugt starf sem skiptir svo marga máli," sagði Helga Guðrún Guðjónsdóttir.

Helga Guðrún sagði að þingið hefði verið mjög málefnalegt og umræður góðar og góður andi ríkti yfir því.

,,Það eru allir sammála um það að slá skjaldborg um það starf sem við erum að vinna sem skiptir svo miklu máli á þeim tímum sem við erum að upplifa um þessar mundir. Framtíðarsýnin er að vinna áfram samkvæmt þeim göfugu markmiðum sem hreyfingin stendur fyrir. Þau eru ,,Ræktum lýðs og lands" og byggðar á ungmennafélagsandanum. Vonandi eigum eftir að upplifa aftur bjarta tíma sem gerir okkar allt miklu auðveldara. Hreyfingin er samt búin að vera undirbúa sig undir þessar aðstæður sem við búum við í dag. Ég er vongóð um að okkur takist að halda okkar striki og helst að auka starfið enn frekar því félagsmönnum  fjölgar. Markmiðið alltaf er að vinna eins vel og við getum að íþrótta- og æskulýðsstarfi í landinu eins og okkur er frekar kostur," sagði Helga Guðrún Guðjónsdóttir formaður Ungmennafélags Íslands.

Ný stjórn var kosin og í aðalstjórn eru Helga Guðrún Guðjónsdóttir, Björg Jakobsdóttir, Björn Ármann Ólafsson, Einar Haraldsson, Örn Guðnason, Garðar Svansson og Eyrún Hlynsdóttir. Í varastjórn voru kosin Ragnhildur Einarsdóttir, Haraldur Þ. Jóhannsson, Einar K. Jónsson.

Til foreldra/forráðamanna 8 fl. Kvk í körfubolta.

Helgina 10 og 11. október n.k. eiga stúlkurnar að keppa í Hafnarfirði, Ásvellir. 

Lagt verður af stað frá Íþróttamiðstöðinni kl. 08:30 á laugardagsmorgun. 

Farið verður með einkabílum.  Umsjón hafa foreldrar Silju Katrínar, Heklu og Katrínar Evu.

Þjálfari: Kristen Green

Eins og áður þurfa þeir sem fara að greiða ferðakostnað kr. 2.000,-

Gisting kr. 1.000,- í Gistiheimili Capital Inn, sjá meðfylgjandi

Látið hollt og gott nesti í töskuna hjá stúlkunum.  Ekki gleyma svefnpoka, dýnu, kodda, tannburstanum, handklæði og íþróttafötum.

Kær kveðja,

Foreldrafélag Snæfells.

Endilega látið okkur vita hvort einhver áhugi er meðal ykkar félagsmanna.
í netfangið  elisabet.vald@stykk.is

Námskeið:

"Hvenær er Íþróttamaður tilbúinn til æfinga eftir meiðsli"

Miðvikudaginn 11. nóvember klukkan 20.00-22.00 hjá Keili á Ásbrú (Reykjanesbæ)

Ert þú eða  íþróttamaður þinn búinn að vera meiddur á hné eða ökkla? Er hann tilbúinn að spila? Ef þú ert ekki viss, viltu þá ekki bara krossa fingur, teipa og vona það besta og láta hann spila á 50% getu?

Eða viltu vita meira um hann, læra að meta hann og setja hann inn þegar hann er tilbúinn?

Miðvikudaginn 11. nóvember klukkan 20.00-22.00 verður Einar Einarsson, sjúkraþjálfari með námskeið í íþróttameiðslum á hné og ökkla.  Námskeiðið er sérstaklega ætlað fyrir fagfólk í íþróttum og heilsurækt en nýtist einnig vel íþróttamönnum sem vilja vera vakandi yfir eigin ástandi.

Nánar um námskeiðið:

Miklar kröfur eru gerðar til íþróttafólks í dag. 

Æfinga og keppnisálag hefur aukist og pressan á toppíþróttamenn að keppa og spila er mikil,  ekki sýst þar sem peningar eru í spilinu.

Þetta aukna álag veldur því að tíðni íþróttameiðsla er að hækka og hætta á endurteknum meiðslum og álagsmeiðslum vex til muna.

 

En hvernig vita þjálfarar eða íþróttamennirnir sjálfir hvort viðkomandi sé tilbúinn til keppni eða ekki?

Í þessum tveggja tíma fyrirlestri mun Einar Einarsson sjúkraþjálfari fjalla um aðferðir til að getuprófa íþróttamenn og meta líkamsástand þeirra.

Sjónum verður beint sérstaklega að ökkla og hné og farið yfir próf og helstu æfingar sem hægt er að nota í ástandsmælingar og mat á hreyfigetu og styrk.

 

Verð á námskeiði: 4.900 krónur

Skráning fyrir 30. október hér: https://www.inna.is/Kennarar/keilir/

Þátttakendur fá sendan greiðsluseðil þegar þeir hafa skráð sig í gegnum meðfylgjandi hlekk. Ef greiðandi er annar en þátttakandi skal þátttakandi greiða seðilinn sjálfur og fá endurgreitt frá þeim sem greiða á námskeiðið (íþróttafélag eða annað). Mikilvægt er að seðillinn sé greiddur fyrir eða á gjalddaga ellegar er litið á sem svo að þátttakandi ætli ekki að mæta á námskeiðið.

Nánar um leiðbeinandann á námskeiðinu:

Einar Einarsson, sjúkraþjálfari

Menntun:                              M.S.c Hreyfivísindi  2006 Aarhus University

MTc  Liðfræði 2000 University of St. Augustin

BSc Sjúkraþjálfun Háskóla islands 1991

Íþróttakennari frá Laugarvatni 1986

Einar hefur kennt sjúkraþjálfun í Árósum og í Háskóla Íslands. Í dag starfar hann sem klínískur sérfræðingur hjá KINE og kennir þjálffræði við ÍAK einkaþjálfun.

Ef einhverjar spurningar koma upp þá endilega hafið samband við mig.  Upplýsingar hér að neðan

bestu kveðjur,

Sævar Ingi Borgarsson

verkefnastjóri Heilsuskóla Keilis

saevar@keilir.net

862-6911

Æskusundmót 2009

Hér með boðar Sundfélagið Húnar til Æskusundmóts árið 2009.  

Mótið verður haldið laugardaginn 17. október í Sundlauginni á Hvammstanga og hefst klukkan 13.00.

Dagskrá:

12:30 Upphitun hefst

13.00 Keppni hefst í 32 greinum í samræmi við reglugerð fyrir Æskusundmót í eftirfarandi aldursflokkum;

                        10 ára og yngri

                         11-12 ára

                         13-14 ára

17:00 Kaffisamsæti og verðlaunaafhending að keppni lokinni.

Skráningar keppenda þurfa að berast í síðasta lagi miðvikudaginn 14. október til Sundfélagsins Húna á netfangið hunarnir@simnet.is.

Frekari upplýsingar veitir Anna María í síma 897-9300

Hvammstangi 7.október 2009

Með bestu kveðjum

Sundfélagið Húnar