Opna HH á Fróðárvelli

70 kylfingar léku í stórmóti á Fróðárvelli

Hið árlega stórmót Hraðfrystihúss Hellisands fór fram á Fróðárvelli í Ólafsvík um helgina. Það voru ríflega 70 keppendur sem sóttu mótið að þessu sinni sem fram fór við góðar aðstæður. Fróðarvöllur skartaði sínu fegursta og þóttu flatir vallarins með eindæmum góðar.

Keppt var til verðlauna í höggleik án forgjafar, höggleik með forgjöf og punktakeppni með forgjöf auk fjölda aukaverðlauna. Guðjón Karl Þórisson úr GJÓ lék afar vel eða á 65 höggum sem eru fimm höggum undir pari vallarins. Magnús Lárusson úr GKJ varð annar á 66 höggum.

Helstu úrslit voru eftirfarandi:
Höggleikur án forgjafar:
1. Guðjón Karl Þórisson GJÓ 65 högg (-5)
2. Magnús Lárusson GKj 66 högg (-4)
3. Rögnvaldur Ólafsson GJÓ 69 högg
4. Guðlaugur Rafnsson GJÓ 70 högg

Höggleikur með forgjöf:
1. Ragnar Olsen GJÓ 67 högg nettó
2. Páll Ingólfsson GK 68 högg nettó
3. Jónas Kristófersson GJÓ 70 högg nettó

Punktakeppni með forgjöf:
1. Pétur Pétursson GJÓ 38 punktar
2. Guðbjörn Sigfús Egilsson GJÓ 35 punktar

Ekki var hægt að vinna til verðlauna í fleiri en einum flokki. Auk hefðbundinna verðlauna voru veitt nándarverðlaun auk þess sem dregið var úr skorkortum keppenda í lok móts.

Myndir/Gunnar Örn Arnarson

Tekið af kylfing.is