Frjálsíþróttaskóli UMFÍ

Í gær var æft hástökk og langstökk þar sem Lovísa Hreinsdóttir aðstoðaði við þjálfun. Seinni partinn var farið í leiki í skóginum.

Morguninn hófst á æfingu í sleggjukasti sem Hreinn Halldórsson stýrði. Embla Tjörvadóttir sveiflaði sleggjunni í morgun á meðan Hreinn fylgdist með úr öruggri fjarlægð.

Auk skólans á Egilsstöðum eru skólar starfræktir þessa vikuna á Laugum í Reykjadal og í Borgarnesi. Í júlí verður frjálsíþróttaskóli UMFÍ á Akureyri, Laugarvatni, Sauðárkróki, Mosfellsbæ og Hornafirði.

Mynd: Hreinn Halldórsson, sem var í hópi sterkustu kúluvarpara í heiminum um tíma, er einn af leiðbeinendum í frjálsíþróttaskóla UMFÍ sem starfræktur er á Egilsstöðum þessa dagana. Hreinn sést hér leiðbeina þátttakendum í sleggjukasti.