Kvennahlaupið er á laugardaginn

Sjóvá Kvennahlaup ÍSÍ verður haldið í tuttugasta og fyrsta sinn, laugardaginn 19. júní nk. Í ár er yfirskrift hlaupsins "Konur eru konum bestar" og er unnið í samstarfi við Kvenfélagasamband Íslands sem fagnar 80 ára afmæli sínu á árinu.

Sjóvá Kvennahlaup ÍSÍ er útbreiddasti og fjölmennasti íþróttaviðburður sem haldinn er á Íslandi ár hvert. Um 15.000 konur taka þátt á um 85 stöðum hér á landi og á 16 stöðum erlendis. Þátttakendum býðst að taka þátt í skemmtilegum leik þar sem glæsilegir vinningar eru í boði. Það eina sem þarf að gera er að fylla út umsókn á hlaupsstað. Í vinning eru gjafakort að upphæð 30.000 kr. dekur og aðrir veglegir vinningar.  Samstarfsaðilar Kvennahlaupsins eru: Sjóvá, Lýðheilsustöðin, Morgunblaðið, Egils kristall, Merrild og Weetabix.