Margeir Ingi, Mostra, fór holu í höggi

Kylfingur.is | þriðjudagur 8. júní 2010 |

Margeir Ingi lék á ás í Korpunni

Kylfingurinn Margeir Ingi Rúnarsson úr Golfklúbbnum Mostra í Stykkishólmi, fór holu í höggi á sunnudaginn í öðru stigamóti á Arion-banka unglingamótaröðinni. Margeir leikur í drengjaflokki og fór holu í höggi á hinni erfiðu þriðju holu á Korpúlfsstaðavelli.

"Ég miðaði á glompuna vinstra megin og sló með 18° hálfvitanum mínum. Boltinn flaug beint inn á flöt, skoppaði einu sinni á flötinni og fór svo niður," sagði Margeir í samtali við Kylfing.is

Þetta er í fyrsta sinn sem Margeir fer holu í höggi en hann er með tíu í forgjöf og er á sínu fyrsta ári á unglingamótaröðinni. Það er síður en svo auðvelt að fara holu í höggi á 3. brautinni en hún er 179 metra löng af gulum teig.

Aðspurður kveðst Margeir ósáttur með frammistöðu sína í mótinu í hann varð í 22. sæti í drengjaflokki en bætti sig þó um tíu högg á seinni hringum og lék á 82 höggum.