Þing BLÍ 2010

Breytingar í stjórn á ársþingi BLÍ

Á 38. ársþingi BLÍ í dag varð ein breyting í stjórn BLÍ eftir að kjósa þurfti um tvö sæti í stjórn BLÍ. Frambjóðendurnir voru þrír og þurfti því að kjósa. Stigakerfi í blaki var breytt og stofnaðir voru tveir sjóðir innan BLÍ.

Ársþing BLÍ var haldið í 38. sinn í dag í Laugardalnum í Reykjavík. Á þingið mættu 28 þingfulltrúar með samtals 42 atkvæði og telst það meiri þátttaka en undanfarin ár en þó í meðallagi.

Fulltrúi HSH á BLÍ þingi var Viðar Gylfason og var hann eini fulltrúinn en HSH átti rétt að senda

6 fulltrúa á þingið. 

Þingið hófst með kosningu þingforseta, Hreggvið Norðdahl og þingritara Sævar Má Guðmundsson. Venjuleg þingstörf hófust að því loknu og skýrði Jason Ívarsson frá skýrslu stjórnar og Aðalheiður Sigursveinsdóttir skýrði frá reikningum ársins 2009. Velta Blaksambands Íslands var rétt tæpar 23 milljónir og hagnaður eftir fjármagnsliði var um 600 þúsund. Þá höfðu skuldir lækkað þó nokkuð en áætlun fyrir árið 2010 gerir þó ráð fyrir enn meiri lækkun á skuldum. Fjárhagsáætlun var lögð fyrir þingið og var hún samþykkt án nokkurra umræðna. 

Meira um þingið á vef Blaksambandsins