Stjórnar og samráðsfundur UMFÍ

Samráðsfundur UMFÍ verður haldinn í Borgarnesi á morgun, laugardaginn 8. maí. Ýmis mál verða til umræðu og málefni hreyfingarinnar rædd.

Fulltrúar allra héraðssambandanna mæta á fundinn. Einnig verður sérstök kynning á 13. Unglingalandsmóti UMFÍ sem haldið verður í Borgarnesi um verslunarannahelgina.

Farið verður yfir alla þætti mótsins og undirbúning og reynt að svara þeim fyrirspurnum sem kunna að koma fram á fundinum.

Einnig verður kynning á verkefnum sem hreyfingin stendur fyrir.

Stjórnarfundur UMFÍ verður haldinn í Borgarnesi í dag og fyrir hádegi á morgun, laugardag.