Nettómótið í Reykjanesbæ

Nettómótið í körfubolta fór fram um helgina en óborganlegt var að fylgjast með ungviðinu leika listir sínar.  Metþátttaka var í ár á 20 ára afmæli mótsins og er talið að yfir 1000 keppendur hafi tekið þátt. 

Auk þess voru hundruðir þjálfara, liðsstjóra, foreldra/forráðamanna og aðrir gestir auk ótal sjálfboðaliða sem sinntu hinum ýmsu störfum á mótinu. Mótið í ár taldist heppnast afar vel að þessu sinni og eftir samtöl við nokkra hressa krakka þá var ekki annað að sjá og heyra en gleðin hafi verið alls ráðandi. 

Umfang móts eins og þessa er gríðarlegt enda um stærsta körfuboltamót sögunnar hér á landi!  Auðvitað koma upp einhverjir hnökrar en menn leystu það af bestu getu, Yfir heildina séð heppnaðist framkvæmd mótsins gríðarlega vel og geta Njarðvíkingar og Keflvíkingar verið stollt af þessu frábæra móti.  Mótið er samstarfsverkefni unglingadeilda UMFN og Keflavíkur.