Íþróttavakning framhaldsskólanna 2010

Þetta er annað árið sem íþróttavakningin er haldin og í fyrra tóku um 8000 nemendur úr 20 skólum þátt í átakinu. Skólinn sem vann titilinn Íþróttarskóli ársins 2009 var Menntaskólinn á Laugarvatni en á eftir honum kom svo okkar kæri Fjölbrautarskóli Snæfellinga. Við höfnuðum í öðru sæti í fyrra og er stefnan tekin á það fyrsta í ár.

Á íþróttavakningunni er keppt í ýmsum greinum íþrótta, til dæmis fótbolta, blaki, körfubolta, sundi og frjálsum. Svo er einnig mikið um aðra atburði sem telja líka stiga. Sem dæmi heldur hver skóli fyrir sig tvo íþróttaatburði, hver einstaklingur sem tekur þátt telur til stiga. Svo er líka þessi skemmtilega sundvika sem var frá  22. - 28. febrúar, þá fengu nemendur frítt í sund um nánast allt land og þurftu ekki að synda nema 200 metra.

Lokadagur íþróttavakningarinnar verður þann 19.mars og þá verður keppt í frjálsum íþróttum, sundi og úrslit í hinum liðs greinunum. Við erum komin með 1 lið í úrslit á lokadeginum og er það mjög spennandi.

Ýmisar uppákomur verða í boði fyrir áhorfendur þann 19. mars og verður sá dagur örugglega frábær endir á skemmtilegri vakningu.

Laufey Lilja Ágústsdóttir