Snæfell/Skallagrímur tapaði

Strákarnir í drengjaflokki töpuðu 87-76 fyrir Breiðablik eftir að hafa byrjað 30-18 undir í fyrsta leikhluta.  Strákarnir voru að tapa sínum öðrum leik á tímabilinu mættu ekki tilbúnir til leiks og lék Arnar Pétursson þá grátt en hann skoraði 36 stig.

Eins og áður segir fóru heimamenn illa með gestina úr Skallagrím/Snæfell, gestirnir leiddu 9-10 en þá settu Blikar í lás og leiddu 30-18.  Jafnræði var á milli liðanna í öðrum leikhluta en pressuvörn hjá Blikum var vandamál í fyrsta leikhluta. 

Staðan í hálfleik 49-32.  Ágætis tilburðir hjá strákunum í þriðja leikhluta reyndust ekki nóg og var vítanýting og skot leikmanna víðs fjarri og hugarfarið greinilega kolrangt fyrir leikinn.  Blikar leiddu 67-56 eftir þrjá leikhluta Skallagrímur/Snæfell að sækja á forystu heimamanna.  Minnstur varð munurinn fimm stig 70-65 en heimamenn nýttu vítaskotin sín vel og kláruðu góðan sigur.