Unnu bikarinn

Um helgina fór fram bikarkeppni Blaksambands Íslands í 2. og 3. flokki. Blakdeild HK sá um mótið  og fór það fram í íþróttahúsinu Fagralundi í Kópavogi. Stúlkurnar í Víking/Reyni stóðu sig mjög vel og lentu í 1. sæti í 2. deild þriðja flokks stúlkna. Alls kepptu 6 lið í 2. deild.  Stúlkurnar  unnu alla  fimm leikina og fengu 10 stig. Stigaskor var 262 gegn 211.  Í öðru sæti var Stjarnan og KA í þriðja sæti.Síðan komu Þróttur Neskaupstað , HK og Þróttur Reykjavík.  

Neskaupstaður hefur  oft verið nefndur Mekka blaksins hér á landi en greinilegt er að unglingar ná góðum árangri í greininni víðar á landinu.  Viðar Gylfason þjálfari var ánægður með mótið. Hann sagði að árangur næðist með mikilli æfingu. Sumar súlknanna æfa sex tíma á viku. Nokkrar þeirra æfa með fullorðnum. Í uppgjöfum til að mynda hefðu stúlkurnar náð mikilli leikni og öryggi. Það hefði komið sér vel í mótinu.  Í liðinu voru  þær Katrín Sara, Viktoría, Jóhanna, Sigurbjörg, Tinna, Þórhildur, Valgerður, Brigitta Rún  og Véný. Flestar stúlknanna léku í öllum leikjunum.

H A

Frétt úr Jökli 4.2.2010