Íslandsmót innanhúss

Keppni hjá drengjum og stúlkum í 4. flokki í knattspyrnu er skipt í 4 riðla. Keppnin fer fram eftir Futsal reglum. Um síðustu helgi var haldið mót í b-riðli drengja hér í Ólafsvík. 4 lið kepptu og lenti Snæfellsnes í öðru sæti með 4 stig. Breiðablik sigraði með yfirburðum með 9 stig. Í liði Snæfellsness léku Kristinn  Magnús, Kristófer Reyes, Óttar Ásbjörnsson, Vignir Stefánsson, Þorgeir Árnason, Hilmar Orri, Ólafur Þórir og Bergur Einar.

Súlkurnar léku í a-riðli þann 17. janúar síðastliðinn. Keppnin var haldin á Álftanesi.  Þær urðu efstar í sínum riðli með 7 stig einu stigi meira en Breiðablik sem lenti í öðru sæti. Í liði stúlkna voru þær Gestheiður, Rakel, Azra, Irma, Elín, Sigrún, María, Andrea, Vikoría, Guðrún Halla og Telma. 2 lið úr hverjum riðli halda áfram og fyrirhugað er að halda úrslitakeppnina 6. og 7. febrúar. 

Snæfellsnessamstarfið hefur sótt um að halda keppnina í Ólafsvík en ekki hefur enn verið tekin ákvörðun um það. Snæfellsnes keppir einnig í öðrum og þriðja flokk og munum við greina síðar frá því.

Futsal knattspyrnulögin má sjá á heimasíðu Ksí. Þar kemur ma fram að ekki skulu vera fleiri leikmenn en 5 í liði og er einn þeirra markvörður. Nota má mest 7 varamenn í leik og er fjöldi skiptinga ekki takmarkaður.

H A

Frétt í Jökli 28.1.2010