Tap gegn Njarðvík í æfingaleik

Víkingur Ó og Njarðvík áttust við í æfingaleik í gær sem fram fór í Reykjaneshöllinni Reykjanesbæ og lauk leiknum með 2-1 sigri heimamanna. Það voru hins vegar Víkingar sem komust yfir á 53. mínútu eftir markalausann fyrri hálfleik með glæsilegu marki Brynjars Kristmundssonar beint úr aukaspyrnu.

Á 79. mínútu jöfnuðu heimamenn með marki sem kom einnig eftir aukaspyrnu en þar var að verki Rafn Vilbergsson. Aðeins nokkrum mínútum síðar náðu heimamenn svo að knýgja fram sigurmark en þar var að verki Árni Þór Ármannsson. 

Lið Víkings: Ingólfur Kristjánsson í marki, Alfreð Hjaltalín og Dominik Baida bakverðir, Suad Begic og Tomas Luba miðverðir. Ólafur Hlynur Illugason og Brynjar Kristmundsson á vængjunum. Brynjar Gauti Guðjónsson og Þór Steinar Ólafs á miðjunni. Þorsteinn Már Ragnarsson sóknartengiliður. Og fremstur var Besim. 

Bekkur: Andri Freyr Hafsteinsson, Sindri Friðþjófsson, Jón Haukur Hilmarsson og Ejub Purisevic sjálfur. Einar Hjörleifsson markvörður og fyrirliði var veikur og Fannar Hilmarsson ekki leikfær.