Héraðsamband Snæfellsnes og Hnappadalssýlsu

Fréttir

25.1.2010

Stórmót ÍR

Fjölmörg mótsmet á vel heppnuðu stórmóti ÍR

HSH var með 14 keppendur á mótinu og stóðu þau
sig öll vel.

Aldís Ásgeirsdóttir	11	1997
Ásta Kristný Hjaltalín	81	1999
Camilla Rós Þrastardóttir	139	1998
Camilla Rós Þrastardóttir	610	1999
Emil Robert Smith	192	1997
Eydís Bára Ómarsdóttir	204	2000
Gréta Sigurðardóttir	234	1997
Íris Dögg Skarphéðinsdóttir	355	1997
Jóhanna Kristín Sigurðardóttir	371	1997
Jón Páll Gunnarsson	384	1998
Katrín Eva Hafsteinsdóttir	410	1997
Rebekka Rán Karlsdóttir	539	1996
Snjólfur Björnsson	-382	1994
Vaka Þorsteinsdóttir	-437	2003

Fjölmörg mótsmet á vel heppnuðu stórmóti ÍR

Vel yfir 100 sjálfboðaliðar tóku þátt í framkvæmd stærsta, innanhúss frjálsíþróttamóts, sem haldið hefur verið hér á landi. Mótið var vel heppnað í alla staði og féllu mörg mótsmet um helgina. Ásdís Hjálmsdóttir setti nýtt mótsmet þegar hún sigraði stöllu sína úr Ármanni, Helgu Margréti Þorsteinsdóttir, þegar hún kastaði kúlunni 14,21m. Helga fylgdi fast á eftir með kasti uppá 14,09m. Þorsteinn Ingvarsson úr HSÞ gerði sér lítið fyrir og stökk 7,33m í langstökki, sem er lengsta stökk ársins. Jóhanna Ingadóttir úr ÍR var sem fyrr áberandi og sigraði hún í 3 greinum, langstökk 5,61m, þrístökk 12,43m og 60m grindarhlaup 9,00sek. Með ofantöldum árangri setti hún mótsmet í þrístökki og 60m grind.

Helga Þráinsdóttir úr ÍR bætti sinn persónulega árangur, frá því á RIG leikunum, þegar hún stökk 1,68m í hástökki og Hulda Þorsteinsdóttir tók þátt í sinni fyrstu keppni á árinu í stangarstökk, hún bætti einnig sinn persónulega árangur með stökki uppá 3,65m

Stefanía Valdimarsdóttir úr Breiðabliki, sem sigraði svo glæsilega í 400m hlaupinu á RIG leikunum, keppti í 800m á mótinu og setti mótsmet á tímanum 2:19,63min. ÍR stúlkurnar Dóróthea Jóhannesdóttir og Erna Dís Gunnarsdóttir settu einnig mótsmet. Dóróthea hljóp 200m á 25,76sek og Erna hljóp 400m á 60,36sek. Íris Anna Skúladóttir úr Fjölni sigraði 1500m hlaup á tímanum 4:59,21min sem er nýtt mótsmet.

Arnór Jónsson úr Breiðabliki er í góðu formi þessa dagana, en hann setti mótsmet í bæði 60m og 200m hlaupi. Arnór hljóp 60m á 7,04 og 200m á 22,73sek. Stefán Guðmundsson úr Breiðabliki sigraði í 3000m hlaupi á nýju mótsmeti 8:37,58min og Þorkell Einarsson úr FH sigraði í 400m hlaupi á nýju mótsmeti 50,35 sek.

Frekari úrslit mótsins má finna í Mótaforriti FRÍ

Skrifað 25.1.2010 kl. 10:29 af Garðar

Bein slóð á færslu

Engin álit, smelltu til að skrifa álit