Skallagrímur/Snæfell með fullt hús

Fullt hús í fyrri umferðinni hjá drengjaflokk

Strákarnir í drengjaflokki léku frestaðan leik gegn Stjörnunni 5. janúar síðastliðinn og þar með lauk fyrri umferðinni hjá þeim í A-riðli drengjaflokks.  Strákarnir sigruðu Stjörnustráka 40-124 en staðan í hálfleik var 15-58.  Kristján Pétur Andrésson var stigahæstur með 24 stig en næstur kom Sigurður Þórarinsson með 23.  Ásmundur Þrastarson lék sinn síðasta leik með Snæfell að sinni en hann er að flytja til Reykjavíkur vegna náms, liðið lék einnig án Hlyns Hreinssonar sem er fluttur vestur á Ísafjörð.

Það var einkennileg stemmning í klefa 3 í íþróttahúsi Ásgarðs þriðjudaginn 5. janúar þegar að þjálfari labbaði inní búningsklefan.  Fyrirliði Skallagrímsmanna sem hafði tekið að sér að taka búningana með sér í leikinn hafði gleymt búningunum!!!  Ingi Þór og fyrirliðinn trausti fóru því og báðu Stjörnumenn um að lána sér búninga sem þeir leystu af miklu bróðerni.  Snæfell/Skallagrímur léku því í fallega bláum Stjörnubúningum gegn ungu Stjörnustrákum.

Meira á heimasíðu snæfells