Snæfell tapaði fyrir KR í fyrsta leik seinni umferðar Iceland Expressdeild kvenna. Fyrri hálfleikur var mjög jafn, KR leiddi 1.leikhlutann en Snæfell þó aldrei langt undan. Snæfellsstelpurnar sneru dæminu við í 2.leikhlutanum og unnu hann og voru þá að leika mun betur en KR sem voru aðeins að láta mótspyrnuna svekkja sig. Staðan í hálfleik vart 22-21 fyrir Snæfelli eftir góða flautukörfu frá Björgu í lokin. Seinni hálfleikurinn var svo algjörlega eign KR sem greinilega náðu að hrista af sér slenið í hálfleikspásunni of unnu seinni hálfleikinn 25-55 en lokatölurnar urðu 47-76. Sherrel Hobbs lék sinn fyrsta leik með Snæfelli og hana skortir greinilega aðeins á úthaldið en hún sýndi þá takta sem lofa virkilega góðu. Sherrel var með 18 stig og var ásamt Björgu sem var með 10 stig bestu leikmenn Snæfells í þessum leik.