Stjórn
Ungmennasambands Borgarfjarðar hefur ákveðið að sækja um að halda
unglingalandsmót UMFÍ í Borgarnesi í sumar. Friðrik Aspelund formaður
UMSB segist vongóður um að vel verði tekið í umsóknina. "Við höfum allt
sem þarf til að halda svona mót í Borgarnesi. Að vísu vantar fleiri
tjaldstæði en við teljum auðvelt að útbúa þau á Kárastaðatúnunum með
litlum tilkostnaði," segir hann.
Byggðarráð Borgarbyggðar tók erindi UMSB fyrir á fundi sínum í gær
og samþykkti að styðja við fyrirhugaða umsókn UMSB um að halda
unglingalandsmótið í sumar.
Friðrik Aspelund
segir ljóst að fleiri umsækjendur verði um mótshaldið en það vinni með
UMSB að mótið hafi aldrei verið haldið í Borgarnesi. Umsóknarfrestur um
mótshaldið rennur út á sunnudag.
Mun svo stjórn UMFÍ ákveða á fundi sínum 20 janúar næstkomandi hvar mótið verður haldið
