Grundarfjörður lagði Hamar.

Í gærkveldi tóku Grundfirðingar á móti Hamri, Hveragerði í 2 deild karla í blaki.
Leikurinn var mjög jafn og skemmtilegur en með stuðningi áhorfenda og trommusveitarinnar náðu Grundfirðingar að landa naumum heimasigri  3-2. (25-22   20-25   25-22  19-25  18-16)
Í fyrstu hrinu var jafnt á öllum tölum upp að 12-12 en þá náðu heimamenn 3 stiga forskoti sem þeir héldu út hrinun. Í 2 hrinu var einnig jafnt framan af en með góðri baráttu náðu Hamarsmenn að sigra þá hrinu. í 3 hrinu var enn allt jafnt en heimamenn voru ekki tilbúnir að gefa leikinn eftir náðu að síga framúr og unnu þá hrinu. Í 4 hrinu var enn á ný allt jafnt framan af en  gestirnir voru ákveðnir í að gefa ekkert eftir og  þegar staðan var 10 -11 tóku þeir sig saman og sigu framúr og unnu hrinuna.
Þá var komið í oddahrinu. Hamarsmenn byrjuðu mjög ákveðnir og komust í 6-9 en þá fóru heimamenn að bíta frá sér og með mikilli baráttu og hörku spennu þá náðu heimamenn að landa sigri með að vinna hrinunna 18-16.
Um 90 gestir voru í húsinu og var stuðningur þeirra mikilvægur í þessum baráttu leik.