Áhugaverð frétt frá formanni UMFÍ.

Í gær laugardaginn 5 desember var fundur í stjórn UMFÍ og var þar raðað í nefndir og stjórnir rekstrarfélaga sem UMFÍ kemur að í dag. Einnig var þar tekinn sú ákvörðun að auglýsa eftir framkvæmdaraðila ULM 2010 þar sem ljóst er að Grundarfjarðarbær getur ekki staðið við þá aðstöðusköpun sem krafa er um frá UMFÍ. Einnig var greint frá stöðu við fyrirhugaða bygginginu við Tryggvagötu 13 undir þjónustumiðstöð UMFÍ. Farið var yfir umsóknir í verkefnasjóð og ýmislegt fl.

UMFÍ áhugasamt um að stofna Lýðháskóla

"Þetta er bara á teikniborðinu," segir Helga Guðrún Guðjónsdóttir, formaður UMFÍ, en uppi hafa verið hugmyndir um að stofna Lýðháskóla hér á landi. Um er að ræða draum sem ungmennafélagið hefur gengið með í maganum en er ekki komið á alvarlegt stig að sögn Helgu.

Hún er þegar búin að viðra hugmyndina við Katrínu Jakobsdóttur, mennta- og menningarmálaráðherra sem og Árna Pál Árnason félags- og tryggingamálaráðherra. Vel var tekið í hugmyndina í ráðuneytunum.