Ný heimasíða UMFÍ

Undanfarnar vikur hefur staðið yfir vinna við uppfærslu á nýrri heimasíðu Ungmennafélags Íslands. Þeirri vinnu er nú lokið og verður síðan tekin í notkun í dag. Gamla síðan hefur sinnt sínu hlutverki sl. sex ár en ljóst var að uppfærsla á henni var nauðsynleg þar sem upplýsingatækni á þessum tíma hefur breyst hratt.

Heimsóknum inn á síðuna hefur fjölgað jafnt og þétt enda hefur hún mikið upplýsingagildi fyrir hreyfinguna.

Nú hefur heimasíðunni verið komið í nútímalegra horf og allar upplýsingar mun aðgengilegri og betri en áður. Það er vonandi að ungmennafélagar sem og aðrir gestir síðunnar nýti sér nýju síðuna. Eins og áður verður kappkostað að koma fréttum og öðru efni til skila.