Héraðsamband Snæfellsnes og Hnappadalssýlsu

Fréttir

12.11.2009

NM í frjálsum á Akureyri í ágúst

Norðurlandamót í frjálsum íþróttum á Akureyri

Frjálsíþróttasamband Íslands hefur skrifað undir samstarfssamning við UMSE og UFA um rekstur og framkvæmd á Norðurlandamóti ungmenna U20. Mótið mun fara fram á Frjálsíþróttavelli Akureyrar, þar sem Landsmót UMFÍ fór fram fyrr í sumar, dagana 28. - 29. ágúst á næsta ári.

Mótið var haldið í borginni Vasaa í Finnlandi fyrr á árinu og voru keppendur um 270 talsins. Það má því búast við 250 erlendum gestum á Frjálsíþróttavöll Akureyrar á næsta ári.

Norðurlandamót ungmenna U20 var síðast haldið á Íslandi árið 2000 og þá í Borgarnesi, en síðan þá hefur reglum mótsins verið breytt og það einungis haldið á 8 brauta völlum, líkt og á Akureyri og í Laugardalnum.

Frjálsíþróttasambandið gegnir forystuhlutverki í samstarfi Norðurlandanna á árinu 2010. Norðurlandaþing frjálsíþróttasambanda verður haldið þann 19. mars næstkomandi á Íslandi, sem og fundur framkvæmdastjóra frjálsíþróttasambanda Norðurlandanna, en hann fer fram næsta haust.

Skrifað 12.11.2009 kl. 19:39 af Garðar

Bein slóð á færslu

Engin álit, smelltu til að skrifa álit