Snæfell tapaði fyrir Keflavík

Snæfellsstúlkur voru mættar stemmdar í leik við Keflavík í Toyotahöll þeirra Keflvíkinga.  Lið heimastúlkna hafði verið að styrkjast undanfarna daga og var innanborðs nýr útlendingur sem gaf liðinu mikið ásamt Bryndís Guðmundsdóttur.  Snæfellsstúlkur voru staðráðnar að leggja allt í sölurnar fyrir stigin tvö sem í boði var en þær hreinlega hlupu á vegg í fyrsta leikhluta þegar að þær mættu gríðarlega ákveðinni vörn Keflavíkur og leiddu þær 23-5 að honum loknum.   

 

Gunnhildur Gunnarsdóttir lék best Snæfellinga í kvöld og skoraði 11 stig í röð og bættu þær Hildur Björg 5 stigum, Sara Sædal og Berglind tveimur stigum og staðan orðinn 31-22.  Reynsla leikmanna Keflavíkur tók þá við og settu þær niður góð skot eftir fínan undirbúning og leiddu þær 42-24 í hálfleik.  Í síðari hálfleik náðu stelurnar muninum niður í 15 stig en þá bættu Keflavík bara við og sigruðu örugglega 83-56.   

 

Snæfellsstelpurnar náðu ekki að koma með í leikinn þann kraft og baráttu sem þær innihalda og áttu þær því engin svör við kraftinum sem Keflavík hóf leikinn með.  Liðið er ásamt þremur öðrum liðum með tvo sigra í deildinni og á einn leik eftir í fyrri umferðinni. Sá leikur er gegn toppliði Hamarsstúlkna sem koma í Fjárhúsið miðvikudaginn 18. nóvember og hefst hann klukkan 19:15. Stelpurnar þurfa að halda áfram að bæta leik sinn og umfram allt berjast á öllum vígstöðum á vellinum.  

 

Stigaskor Snæfellstúlkna: Kristen Green 18 stig og 7 fráköst, Gunnhildur Gunnarsdóttir 17 stig, Berglind Gunnarsdóttir 6 stig, Hildur Björg Kjartansdóttir 5, Hranfhildur Sif Sævarsdóttir 3 stig og 10 fráköst, Helga Hjördís Björgvinsdóttir, afmælisstúlkan Sara Sædal Andrésdóttir og Rósa Indriðadóttir 2 stig og Björg Guðrún Einarsdóttir 1 stig.