Grundarfjörður vann Aftureldingu

Loksins vöknuðu Grundfirðingar. Allt annað var að sjá til Grundfirðinga núna heldur en í síðasta leik. Þeir tóku á móti Aftureldingu í 2 deildinni í blaki og gáfu heimamenn aldrei neitt eftir og unnu 3-0 (25-15  25-20  25-23)
Grundfirðingar byrjuðu leikinn ákveðnir í að vinna. Gestirnir voru þó ekki komnir til tapa og í fyrstu hrinu var jafnt upp að 12-12 en þá skildi í milli og heimamenn unnu hrinuna nokkuð létt. í annari hrinu var nokkurt stress hjá gestunum og voru þeir að gera klaufa stig. En hrinan var skemmtileg og sáust nokkur tilþrif hjá leikmönnum bæði í sókn og vörn. Þriðja hrinan var nokkuð kaflaskipt þó Grundfirðingar höfðu ávalt forystu. Afturelding náði að jafna í 23 - 23 en þá hleyptu heimamenn þeim ekki lengra og kláruðu leikinn með 2 síðustu stigunum.
Að vanda var fullt hús og frábær stemming en um 110 áhorfendur voru á pöllunum og studdu vel við sína menn. Sérstaklega var gaman að sjá gesti úr nágranna bæjum komna til að kvetja sitt lið.