Sean spilar í kvöld

Snæfell mætir liði Álftaness í kvöld í 32 liða úrslitum Subwaybikarsins.  Leikurinn verður fyrir sunnan og þar ber helst til tíðinda að Sean Burton, nýi leikmaður Snæfells mun væntanlega leika sinn fyrsta leik með Snæfelli.  Ingi Þór  þjálfari liðsins mun hinsvegar taka út eins leiks bann sem hann var dæmdur í eftir brottrekstur af velli í leiknum við Keflavík.   

Sean kom til landsins um helgina og æfði tvisvar í gær með liðinu og miðað við það sem sást til hans þar þá ættu tölur um hittni kappans ekki að vera ýktar.  Spurning hvort hann nái því að vera jafn hittinn og Nonni Mæju en hann fer langt í það og ekki hægt að ætlast til meira af manni sem ekki er örvhentur.  Sean er ekki sá hávaxnasti í deildinni en þeim mun kvikari og erfiðari viðureignar og ætti að passa vel í þann hraða leikstíl sem Ingi hefur verið að koma með hjá Snæfelli. 

Frétt af Stykkishólmspóstinum