Logi Sigursveinsson fékk viðurkenningu

Forseti Íslands, Ólafur Ragnar Grímsson, afhenti verðlaun í ratleik Forvarnardagsins við hátíðlega athöfn á Bessastöðum sl. laugardag.

Ratleikurinn er samstarfsverkefni Ungmennafélags Íslands, Íþrótta- og Ólympíusambands Íslands og bandalags íslenskra skáta, innan vébanda Forvarnardagsins sem fram fór fyrr í haust.

Um 800 grunnskólanemendur sendu inn lausnir í ratleiknum og hefur þátttakan aldrei verið meiri. Þetta var í fjórða sinn sem Forvarnardagurinn er haldinn.

Verðlaunahafarnir voru þrír og veittu þeir allir allir verðlaununum viðtöku á Bessastöðum. Þau voru Logi Sigursveinsson, Grunnskóla Snæfellsbæjar, Anna Þuríður Sigurðardóttir, Grunnskóla Bolungarvíkur, og Anna Margrét Arnarsdóttir, Nesskóla, Fjarðarbyggð.

Viðstaddir verðlaunaafhendinguna voru forráðamenn unglingana, forsvarsmenn bæjarfélaganna þaðan sem vinningshafarnir komu og fulltrúar samstarfsverkefnisins.

Mynd: Verðlaunahafar ásamt Ólafi Ragnari Grímssyni forseta og Dorrit Moussaieff forsetafrú.