27.10.2009 19:01
Undirbúningur fyrir unglingalandsmót í Grundarfirði gengur vel
Á
unglingalandsmótsnefndarfundi í Grundarfirði í gærkvöldi kom fram að
undirbúningur fyrir 13. unglingalandsmót UMFÍ gengur samkvæmt áætlun en
mótið verður í Grundarfirði dagana 30. júlí til 2. ágúst.
Vinna við svæðin, sem koma til með að hýsa
íþróttagreinar mótsins, gengur vel og er ljóst að haldið verður
glæsilegt mót í fögru umhverfi. Mikil tilhlökkun er fyrir mótinu.
Fundinn í gærkvöldi sátu af hálfu UMFÍ þau Helga Guðrún
Guðjónsdóttir, formaður UMFÍ, Sæmundur Runólfsson, framkvæmdastjóri
UMFÍ, og Ómar Bragi Stefánsson framkvæmdastjóri mótsins.
Mynd: Frá fundinum í Grundarfirði í gærkvöldi.
