Blak 2 deild karla

Í gær tóku UMFGrundarfjarðar á móti Fylki í 2 deild karla í blaki. Fylkismenn tóku leikinn strax í sínar hendur og unnu leikinn 3-1  ( 25-17,  25-14, 21-25, og 25-15)  Í 1 hrinu voru heimamenn mjög óákveðnir í sínum leik, móttakan var léleg og kom það mikið niður á uppspilinu þannig að ekki náðist að klára sóknir með krafti. í 2 hrinu var staðan sú sama og eins að heimamenn væru að gefast upp. Áhorfendur sem voru um 90 reyndu að vekja leikmenn og virkaði það aðeins i 3 hrinu sem Grundfirðingar unnu sannfærandi. En svo var allt loft úr þeim aftur og Fylkismenn lönduð auðveldum sigri í 4 hrinu. Dómarar leiksins Viðar Gylfason og Garðar Svansson stóðu sig vel í sínum fyrsta leik. Sem fyrr voru áhorfendur og trommuliðið á sýnum stað en heimamenn náðu ekki að nýta sér það í þessum leik og ljóst að leikur liðsins þarf að batna mikið ef þeir ætla að fara vinna leiki í vetur.