Þing UMFÍ

46. sambandsþing Ungmennafélags Íslands var sett í morgun en þingið er að þessu sinni haldið í fjölbrautarskólanum í Reykjanesbæ. Rétt til þingsetu eiga 127 fulltrúar.

 Það var Helga Guðrún Guðjónsdóttir, formaður UMFÍ, sem setti þingið og fór víða í sinni ræðu.

Þá fluttu ávörp Ólafur Ragnar Grímsson, forseti Íslands, Katrín Jakobsdóttir, menntamálaráðherra, Gunnar Bragason, gjaldkeri ÍSÍ, Árni Sigfússon bæjarstjóri í Reykjanesbæ og Hafsteinn Þorvaldsson, fyrrverandi formaður UMFÍ og heiðursfélagi UMFÍ.

Þingstörf verða í dag og á morgun en þinginu verður slitið síðdegis á sunnudag.

Myndir: Helga Guðrún Guðjónsdóttir,formaður UMFÍ, setti 46. sambandsþing hreyfingarinnar í Reykjanesbæ í morgun. Ólafur Ragnar Grímsson, forseti Íslands, flutti ávarp af því tilefni.