Síðari leikur Snæfells og Hauka fór fram laugard. 3. okt kl 14 og sigruðu Haukastúlkur á ný, en nú 66-73.  Fyrsti leikhluti var í raun og veru nákvæmlega einsog í fyrri leiknum en Haukar leiddu 10-22.  Snæfellsstelpurnar náðu ekki að hemja skyttur Hauka en fjórar þriggjastiga körfur skilaði þeim góðri forystu.  Snæfellsstúlkur voru ekki nægilega grimmar í aðgerðum sínum en Kristen Green skoraði 7 stig í fyrri hálfleik en systurnar Berglind og Gunnhildur skoruðu 7 og 5 stig í fyrri.  Sara Sædal fyrirliði gat ekki leikið nema fjórar mínútur vegna meiðsla og munar um kraftinn frá dömunni.  Í hálfleik leiddu Haukastúlkur 25-41.   Í síðari hálfleik hófu Snæfellsstelpur með Kristen í góðum gír, þær minnkuðu muninn niður í 7 stig á meðan að Haukastúlkur skoruðu einungis þriggja stiga körfur.  Heather Ezell hinn magnaði erlendi leikmaður Haukastúlkna var áberandi í leikhlutanum og skoraði níu stig á lokakafla leikhlutans og Hauka leiddu 47-57.  Snæfellsstúlkur náðu ekki að koma muninum niður fyrir níu stig fyrr en í lokin og annar sigur Hauka staðreynd.  Baráttan og eljusemi var til staðar og gerðu stelpurnar betur í þessum leik en í fyrri leik liðanna.  Lokatölur voru 66-73.   Núna framundan eru svo æfingar fram að fyrsta leik hjá stúlkunumen hann er 14. október í Valsheimilinu (Vodafonehöllinni) að Hlíðarenda.