Lið Víkings þegar Ejub var síðast með liðið.

Víkingur Ólafsvík er búinn að ráða þjálfara fyrir meistaraflokk félagsins, sem féll í haust úr fyrstu niður í aðra deild. Samið var að nýju við Ejup Puresevic, í þetta sinn um að þjálfa liðið næstu tvö árin. Ejub kom til starfa hjá Víkingum fyrir sex árum. Kom hann liðinu fljótlega upp í 1. deild og voru Víkingar þar enn þegar Ejub lét af störfum á liðnu hausti. Víkingar voru með tvo þjálfara á liðnu sumri, fyrst Kristinn Guðbrandsson og síðan serbneskan þjálfara og náðu þeir ekki að fylgja eftir góðum árangri liðsins undanfarin ár. Ljóst er að metnaður Víkinga og Ejub liggur til þess að komast upp um deild aftur áður en langt um líður.