| ![http://www.olympic.is/iw_cache/8249_2009IPC_Swimming_Reykjavik_logoSmallversion.jpg]() Í október verður Evrópumót fatlaðra í sundi haldið í Laugardalslauginni. Keppendur fara að tínast til landsins dagana 15. - 17. október. Keppni fer svo fram dagana 18. - 24. október. Opnunarhátíð fer fram þann 17. og lokahátíð 24. október. Um gríðar umfangsmikið verkefni er að ræða sem Íþróttasamband fatlaðra ber hitann og þungann af. Skráningarfrestur keppenda er liðinn og hafa yfir 400 skráð sig til leiks. Keppendum fylgja um 200 aðstoðarmenn og þjálfarar. Til að framkvæmd mótsins gangi sem best fyrir sig óskar ÍF eftir sjálfboðaliðum til aðstoðar við ýmis verkefni meðan á því stendur. Áhugasömum er bent á að hafa samband við skrifstofu ÍF í síma 514-4080 eða með tölvupósti á netfangið if@isisport.is
Skrá þarf sjálfboðaliða til almennra starfa t.d. í matsal, kaffiteríu, við afhendingu gagna, sendlastörf, við upplýsingaborð, á hótelum, körfubera á mótsstað o.s.frv. Keppni fer fram 09-11 og 1700 - 2000 og þörf er á aðstoð á mótsstað á þeim tíma. Verkefni utan keppnisstaðar eru á tímanum frá 0800 - 2000, vaktaskipti verða þar m.t.t. óska sjálfboðaliða. Vinsamlega látið þetta berast í ykkar umhverfi og endilega skráið ykkur sé áhugi á að aðstoða | 