Snæfell Kvennakarfa

Snæfellstelpurnar töpuðu 66-80 fyrir fyrnasterku KR liði sem sótti okkar stúlkur heim í hérað.  Leiknir voru sex leikhlutar þar sem fyrirhugað var að leika einnig gegn Keflavík en þær forfölluðust.  Eftir barning í upphafi leiks voru Snæfellsstelpurnar einu skrefi á eftir KR-stúlkum sem tefla fram gríðarlega öflugu liði í vetur.     

Eftir þrjá leikhluta hálfleik og leiddu KR þá 30-46 en mjög góður fimmti leikhluti hjá Snæfell kom muninum niður í sjö stig en KR-stúlkur bitu þá í skjaldarrendur og sigldu öruggum sigri í hús.  Lokastaðan 66-80 og bæði lið greinilega að hefja leiktíðina og eiga eftir að pússa til ýmislegt í sínum leik.     

Stigaskor Snæfellsstúlkna var eftirfarandi: Björg Guðrún Einarsdóttir og Unnur Lára Ásgeirsdóttir voru stigahæstar með 14 stig, Berglind Gunnarsdóttir 10, Gunnhildur Gunnarsdóttir 8, Helga Hjördís Björgvinsdóttir 6, Sara Sædal Andrésdóttir 5 en hún snéri sig í leiknum og verður vonandi ekki mikið frá. Hrafnhildur Sif Sævarsdóttir, María Björnsdóttir og Hildur Björg Kjartansdóttir 3 stig hver en þær Rósa Indriðadóttir og Erna Rut Kristjánsdóttir léku príðilega en náðu ekki að skora.    

Hjá KR var Unnur Tara Jónsdóttir stigahæst með 16 stig, Signý Hermannsdóttir 13, Jenny Fiuora 11, Guðrún Gróa Þorsteinsdóttir og Þorbjörg Andrea Friðriksdóttir 9, Helga Einarsdóttir 6, Hildur Sigurðardóttir 5, Rakel Viggósdóttir og Jóhanna Sveinsdóttir 4, Brynhildur Jónsdóttir 2 og Heiðrún Jónsdóttir 1.    

Framundan eru fleiri æfingaleikir hjá stelpunum en þeir verða tilkynntir um leið og þeir hafa verið staðfestir.