Héraðssamband Snæfellsnes og Hnappadalssýslu

Flokkur: Knattspyrna

09.06.2010 07:36

Íslandsmót - 5. flokkur kvenna A-lið B2 riðill



Reynir S - HSH
 
Í gær mætust Reynir Sandgerði og HSH
Leikurinn var í Sandgerði og hófst kl. 17.00
Leikurinn fór 4 - 2 fyrir Reyni

Leikmenn HSH voru

Kristín María
Svana
Rebekka
Álfheiður
Sunna
Anna Soffía
Björk
Hrefna
Alma
Regína
Diljá


08.06.2010 11:07

Hnátumót KSÍ - A-lið E riðill

Hnátumót KSI



Við tökum þátt á Hnátumóti KSI og verður okkar riðill spilaður þriðjudaginn 15.júní.
Mótið er frá 16:00 til 19:00

Við þurfum á ykkur öllum að halda og eruð þið beðnar um að staðfesta mætingu hér á síðunni fyrir sunnudagskvöldið 13.júní:lol:
(af bloggsíðu 6fl. kvenna)

08.06.2010 10:56

Íslandsmót - 5. flokkur karla A-lið C riðill

HSH - Álftanes

Á morgun miðvikudaginn 9 júní spila Álftanes og HSH á Álftanesi,


(af bloggsíðu 5fl.)
Jæja þá er síðan okkar að komast í gagnið aftur og ætlum við að nýta hana til upplýsinga. Við eigum leik við Álftanes á næsta miðvikudag 9. júní. Rútan okkar fer og verður Þröstur pabbi hans Leós bílstjóri í þessari ferð, lagt verður af stað frá íþróttahúsinu í Ólafsvík kl: 12:30. og það kostar 2.000 krónur eins og verið hefur. Nú er mikilvægt að allir skrái sig svo við vitum hverjir ætla að mæta og hverjir þurfa far með rútunni okkar. Það þarf að skrá sig fyrir þriðjudagskvöldið 8. júní:)

08.06.2010 10:49

Íslandsmót - 5. flokkur kvenna A-lið B2 riðill

Íslandsmót - 5. flokkur kvenna A-lið B2 riðill

Reynir S - HSH
 
Í dag mætast Reynir Sandgerði og HSH
Leikurinn er í Sandgerði og hefst kl. 17.00
Þetta er 1 leikur HSH í Íslandsmótinu í sumar.


(Tekið af bloggsíður 5fl).
Rútan fer kl 12:30 frá Ólafsvík, kl 12:50 frá Grundarfirði, kl 13:10 frá Vatnaleið og 13:15 frá Vegamótum:lol:

Það vantar bílstjóra og án bílstjóra getum við ekki farið:lol:

Þær sem eiga að mæta eru:
Kristín María
Svana
Rebekka
Álfheiður
Sunna
Anna Soffía
Björk
Hrefna
Alma
Regína
Diljá


08.06.2010 10:22

Víkingur - Fjarðarbyggð í 16 liða úrslitum

Víkingar mæta Fjarðabyggð í 16 liða úrslitum

07. júní 2010
Víkingar drógust í dag á móti Knattspyrnufélagi Fjarðabyggðar í 16 liða úrslitum Visa-bikarins en dregið var í höfuðstöðvum KSÍ. Í fyrstu þremur umferðunum spiluðu Víkingar á útivelli, fyrst á móti Létti, næst á móti KFS og nú síðast á móti KB í Breiðholtinu.

Leikurinn er settur miðvikudaginn 23. júní kl. 19:15 en sigri Víkingur verður það í fyrsta skipti sem liðið kemst í 8 liða úrslit bikarins í sögu félagsins. Fjarðabyggð leikur í deild fyrir ofan okkur en situr nú í 10. sæti með 3 stig og því ljóst að möguleikar okkar manna eru til staðar ef vel er haldið á spilunum.

Næsti leikur liðsins er hins vegar í deild og fer fram á Ólafsvíkurvelli næstkomandi laugardag þegar liðið tekur á móti Reyni frá Sandgerði. Liðið gerði ágætis ferð til Húsavíkur um helgina þegar jafntefli náðist gegn Völsungi en Víkingur er nú í 3. sæti deildarinnar með jafn mörg stig og BÍ/Bolungarvík.
Víkingur Ólafsvík

08.06.2010 10:15

HSH knattspyrna

Í gær 7 júní fóru fram tveir leikir í knattspyrnu.

Í Ólafsvík tóku strákarnir í 4fl á móti Ægi.
Þar vann HSH liðið nokkuð örugglega 7-1.
Því miður höfum við ekki hverjir skoruðu en þeir sem það vita geta sett inn athugsemdir
undir fréttinni í álit.

Í Grundarfirði mættust  svo í  3fl karla HSH og Grindvík.
Sá leikur var í Vísa bikarkeppninni
Þar unnu Grindvíkingar 4-2.
Mörg HSH skoraði Arnar Hafsteins.

Ef einhverjar myndir eru til af leikjunum má senda á hsh@hsh.is

07.06.2010 10:13

HSH 4 fl. karla í knattspyrnu

HSH  - Ægir

Strákarnir í 4 fl spila á Ólafsvíkur velli kl. 17.00 í dag.
Þetta er 1 leikur þeirra í Íslandsmótinu í sumar en þeir
spila í C riðli A- liða. Með þeim í riðli eru auk Ægis, Grindarvík, Skallagrímur, Sindri og Fjölnir 2



Þeir sem eiga að mæta mánudag 7/6 kl 16.00 eru! Þorgeir  Kristófer R  Óttar  Ármann Örn  Kristinn M  Vignir Snær  Viktor M Sævar  Ólafur  Andri Már  Andri Viðar  Kristinn H  Hilmar  Steinn Andri  Bergur. Eftir því sem ég les á vef k.s.i. er leikið á Ólafsvíkurvelli Kveðja Bubbi

07.06.2010 09:29

UMFG - KB 1-4

Grundarfjörður - KB 1-4

Jæja. Fyrsti heimaleikurinn búinn og ekki fór hann eins og við óskuðum okkur en samt voru mikil batamerki á liðinu frá því í leiknum við Tindastól.

Byrjunarliðið var þannig:
Viktor í marki
Gunnlaugur Smára í hægri bak
Arnar Dóri í vinstri bak
Ingi Björn og Jón Frímann miðverðir
Aron Baldurs var sweeper
Ragnar Smári, Hrannar og Tryggvi á miðjunni
Heimir og Hilmir voru frammi.



Þetta var semsagt 5-3-2 kerfi
Á bekknum sátu Tommi, Haddi, Jón Steinar, Birkir og Hinni markvörður.


Hemmi Geir stjórnaði með harðri hendi.

Þetta byrjaði mjög vel hjá okkur. Fyrstu tíu mínúturnar eða svo vorum við nánast á þeirra vallarhelmingi og vorum að spila boltanum ágætlega. Tryggvi skoraði mark sem var réttilega dæmt af vegna rangstöðu. KB menn unnu sig meira inní leikinn þegar leið á og svo á 39 mín skoruðu þeir mark eftir langa sendingu fram. Kantmaðurinn þeirra skallaði boltann inn og Viktor kom engum vörnum við. Þannig var staðan þegar Maggi dómari flautaði til hálfleiks.

Í seinni hálfleik skiptum við um leikkerfi og spiluðum 4-3-3 og fórum að sækja svolítið. KB komst í 2-0 eftir eina sóknina hjá þeim. Það kom skot utan af velli sem Viktor náði að verja en því miður sló hann boltann upp í loft og hann lak yfir línuna. Aðeins 3 mínútum síðar áttum við svo hornspyrnu sem að Heimir tók og sendi boltann beint á kollinn á Aroni sem að skallaði hann inn og minnkaði muninn. 1-2 og leikurinn í járnum. Þetta var fyrsta mark Grundarfjarðar í opinberum leik í háa herrans tíð og er þetta mark tileinkað Atlantic Fresh. Eftir þetta sóttum við meira og virtumst nokkuð líklegir en eins og svo oft áður þá var það formið sem skildi okkur að. Við vorum eiginlega búnir á því og þeir settu 2 mörk í viðbót á 81 og 87 mín. Leikurinn endaði því 1-4.

Það er margt jákvætt sem hægt er að taka úr þessum leik. Við þurfum bara að vinna úr því fyrir næsta leik sem verður gegn Ými næsta laugardag.

Við viljum líka þakka áhorfendum sem komu og studdu vel við bakið á okkur í leiknum. Það var virkilega gaman og frábær stemming.

Myndir sem að hann Jón Pétur tók á leiknum koma inn síðar.

Takk fyrir okkur.

05.06.2010 16:29

Snægrímur 2fl.

2 Flokkur karla Vísabikar. Grindavík/Njarðvík - Snæfellsnes/Skallagrímur

Í gær fóru strákarnir í Snægrím suður í Njarðvík og spiluðu við Grindarvík/Njarðvík í 2fl Vísabikarkeppni KSÍ.
Skemmst er að segja að þar mættu strákarnir í Snægrím ofjörlum sínum og endaði leikurinn
8 - 0 fyrir heimamönnum.

Þar með er þátttöku þeirra lokið í bikarkeppninni.


05.06.2010 16:24

Vikingur 2-2 Völsungur

Völsungur - Víkingur Ó. | Bein lýsing (2-2) Leik lokið

05. júní 2010 klukkan 14:40  Lýsing af leiknum á Víkingssíðunni.

Dómari leiksins er búinn að flauta leikinn af! Okkar menn sóttu linnulaust seinustu mínútur leiksins. Það dugði hins vegar ekki til en við tökum stiginu feigins hendi en vissulega grátlegt að missa forystuna eftir að við höfðum unnið hana til baka af harðfylgi! Maður leiksins Þorsteinn Már Ragnarsson, það liggur enginn vafi á því. Gunnar Örn þakkar fyrir sig og biður að heilsa heim!.

05.06.2010 11:28

Ferðasaga Víkings

Víkingar eru mættir á Húsavík

04. júní 2010 klukkan 23:19 af víkingssíðunni, meira þar.

Gunnar Örn Arnarson skrifar frá Húsavík

Víkingar eru mættir Norður á Húsavík eftir langt og strangt ferðalag. Sem stendur sitjum við í borðstofunni á gistiheimlinum sem við munum dvelja á í nótt. Hér fer vel um okkur og aðstaðan er eins og best verður á kosið. Við erum í húsi sem er ný upptekið en síðasti naglinn var negldur við komu okkar og Ajax-ilmurinn bauð okkur velkomna um leið og við stigum inn fyrir þröskuldinn. Strákarnir fóru á æfingu hálftíma eftir komu eða 20:15 að staðartíma. Jónas fór með Þorstein á spítala þar sem gert var að gifsinu hans á og Alli Netargerðameistari ásamt undirrituðum fóru í að elda mat ofan í liðið. Á boðstólnum voru grillaðar kjúklingabringur.





04.06.2010 10:27

Skallagrímur með Knattspyrnuhátíð

Fótboltadagur Skallagríms

Knattspyrnuhátíð fyrir alla fjölskylduna  12. Júní í Borgarnesi

Laugardaginn 12. Júní, n.k. stendur knattspyrnudeild Skallagríms í fyrsta sinn fyrir knattspyrnudegi. Tilgangurinn er að kynna öflugt starf deildarinnar fyrir almenningi sem og að gefa iðkendum kost á að gera sér glaðan dag. ALLIR eru velkomnir hvort sem þeir hafa snefil af áhuga á knattspyrnu eður ei. Sérstakir gestir eru knattspyrnukrakkar úr Dölum og ungmennafélögum allsstaðar í Borgarfirði.

Ólafur Jóhannesson, landsliðsþjálfari karla, og fyrrverandi þjálfari Skallagríms mætir á svæðið ásamt stjörnum úr knattspyrnulandsliðum karla og kvenna. Stórleikur í 3. deildinni: Skallagrímur - Tindastóll.  Leðjubolti, trjónubolti, slárskotkeppni, ýmsar knattþrautir og í lokin grillveisla í Skallagrímsgarði.  Stanslaust stuð frá morgni og fram eftir degi.

Dagskrá:

11.00 - Æfingasvæði Skallagríms. (Við íþróttamiðstöðina í Borgarnesi):   Æfingar hjá öllum yngri flokkum. Gestir úr öðrum félögum í Borgarfirði og Dölum taka þátt í æfingunni.  Ólafur Jóhannesson, landsliðsþjálfari karla og störnur úr karla - og kvennalandsliðum Íslands í knattspyrnu aðstoða við þjálfun.

12.00 - Æfingasvæði Skallagríms.: Hádegishlé. - Ungar knattspyrnuhetjur fá nesti á vellinum.

12.30 - Leðjubolti - Tvö stjörnulið takast á í sannkölluðum leðjuslag á leirunum í Englendingavík .

13.00 - Æfingasvæði Skallagríms: Knattþrautir KSÍ - Ólafur Jóhannesson, landsliðsþjálfari karla í knattspyrnu, stýrir knattþrautum fyrir krakka á öllum aldri.

14.00 - Skallagrímsvöllur: Stórleikur í 3. deildinni. - Skallagrímur - Tindastóll.

           Trjónubolti í  leikhléi - Tvö úrvalslið reyna með sér í þessari finnsku í þróttagrein.

16.00 Æfingasvæði Skallagríms:  Fótboltakeppni í ýmsum útfærslu fyrir unga sem aldna.

        Sláarskotakeppni

        Vítakeppni

        Radarmælingar - (hver er skotfastastur)

        Fótboltagolf. (hver er hittnastur)

        Og ýmislegt fleira fótboltatengt.

17.00 - Grillveisla í Skallagrímsgarði. Grillaðar pylsur í boði fyrir krakkana. Fullorðnum velkomið að      

         koma með sitt ket á grillið.

        Létt tónlist í garðinum og verðlaunaafhending.

Allan daginn:  Í tjaldi við íþróttasvæðið.

Stuðningsmannasýning:  Áhangendum hinna ýmsu liða, hvort sem er á Íslandi, Englandi, eða annarsstaðar er boðið að sýna sitt "stuðningsmannadót" hvort sem er treyjur, fánar, klukkur, gardínur eða gúmmískór. Upplagt fyrir stuðningsmenn einstakra liða að taka sig saman.

Þar verða einnig til sýnis myndir úr starfi Knattspyrnudeildar Skallagríms.

Skiptiskómarkaður Skallagríms. - Tækifæri fyrir þá sem eru vaxnir upp úr takkaskónum, eða öðrum íþróttaskóm að koma með þá og skipta.!

Knattspyrnudeild Skallagríms.

04.06.2010 09:39

HSH 4fl. kvenna spilar við Keflavík

Í dag kl. 17.00 mætast HSH og Keflavík í 4fl kvenna á Grundarfjarðarvelli.
Stelpurnar eru búnar að spila 2 leiki í Íslandsmótinu
Þann 28 maí spiluðu þær við ÍR og fór sá leikur 4-3 fyrir ÍR
og 31 maí spiluðu þær við Leikni R. og unnu HSH stelpur þann leik 11-1

Snæfellingar eru kvattir til að mæta á Grundarfjarðarvöll og hvetja stelpurnar til sigurs
Frábært veður og engin afsökun að mæta ekki.

03.06.2010 10:20

4 fl kvenna spilar við keflavík

Við spilum við Keflavík á föstudaginn í Grundarfirði
Mæting kl 16:00


Tekið af bloggsíður 4 fl. kvenna

03.06.2010 10:10

Fréttir frá umfg

Stífar æfingar

Það verða stífar æfingar út vikuna og reiknum við með að þær verði alltaf kl 18 á vellinum. Fyrsti heimaleikurinn er á laugardaginn og mikil tilhlökkun í hópnum. Tryggvi er búinn að vera sem óður maður að dansa fugladansinn alla helgina, svo mikil er tilhlökkunin.
Jón Frímann skellti sér í smá pásu frá sjónum og notaði þá pásu til að fara í golf.

Tryggvi stígur fugladansinn af miklum móð


Viktor og Heimir taka teygjur saman.


Ari Bent fær að finna fyrir því eftir skot frá Inga Birni.


Draumaliðið hans Jóns Steinars


Viggi (á miðri mynd) misskildi æfinguna eitthvað.

Myndin sem á að vera hér hlaut ekki náð hjá siðgæðisfulltrúa
Sjá nánar á heimasíðu knattspyrnu umfg
Nýju klappstýrur liðsins (Þetta var besti díllinn.)

Vegna ritstuldar úr einkasafni hadda var þessi mynd einnig fjarlægð

Meira að segja Haddi ætlar að taka sér pásu frá leikjatölvunni til að mæta á æfingu.

Það er nokkuð ljóst að þetta verður spennandi vika.

HSH

Nafn:

Héraðssamband Snæfellsnes og Hnappadalssýslu

Farsími:

865-0294

Afmælisdagur:

24 september 1922

Heimilisfang:

Sólvellir 3. 350 Grundarfirði

Staðsetning:

Snæfellsnes

Heimasími:

436-1635

Önnur vefsíða:

umfi.is

Kennitala:

620169-5289

Bankanúmer:

0191-15-370322

Tenglar

Flettingar í dag: 417
Gestir í dag: 49
Flettingar í gær: 471
Gestir í gær: 114
Samtals flettingar: 3290043
Samtals gestir: 253476
Tölur uppfærðar: 16.1.2018 11:23:15
Flettingar í dag: 417
Gestir í dag: 49
Flettingar í gær: 471
Gestir í gær: 114
Samtals flettingar: 3290043
Samtals gestir: 253476
Tölur uppfærðar: 16.1.2018 11:23:15