Héraðssamband Snæfellsnes og Hnappadalssýslu

Flokkur: Knattspyrna

01.09.2011 00:27

UMFG hefur lokið keppni

Jafntefli

Þá er það ljóst að við höfum lokið keppni í Íslandsmótinu þetta árið... Við gerðum 1-1 jafntefli við Magna á heimavelli í gær og þar með ljóst að Magni fer áfram. Þeir skoruðu fyrst og það var því ljóst að við þurftum að skora þrjú til að komast áfram. Hemmi jafnaði og þar við sat. Miðað við spilamennskuna okkar þá áttum við fyllilega skilið að fara lengra. Við vorum einum færri nánast allan síðari hálfleikinn fyrir norðan og fáum á okkur mark á lokamínútunni þar. Svo skora þeir mark hérna sem angaði all svakalega af rangstöðu að það hálfa var mikið meira en nóg. 



En svona er þetta... stundum fellur þetta bara ekki með okkur og við komum bara tvíefldir til leiks á næsta ári. 
 


Sumarið er samt búið að vera frábært og framar öllum vonum. Í fyrra vorum við með 5 stig, 1 sigurleik, 2 jafntefli og 11 töp. Í ár var þetta akkúrat öfugt. 11 sigrar, 2 jafntefli og 1 tap í riðlinum. Alveg frábært hjá okkur.

Það er líka frábært hvað fólk hefur verið rosalega duglegt að mæta á völlinn hjá okkur til að styðja við bakið á okkur. 



Nú er það bara lokahófið á næsta leiti... stay tuned.

31.08.2011 07:42

Þorsteinn lánaður til Raufoss í Noregi

Þorsteinn Már Ragnarsson, leikmaður Víkings Ólafsvíkur, er farinn til norska félagsins Raufoss á láni út tímabilið.

Í síðustu viku fór Þorsteinn til norska félagsins Sandnes Ulf á reynslu en nú er ljóst að hann mun klára tímabilið með Raufoss.

Raufoss leikur í þriðju efstu deild í Noregi en eftir 16 umferðir af 24 er liðið í fjórða sæti, fimm stigum frá öðru sætinu og sex stigum á eftir toppliði Elverum.

Þorsteinn Már hefur skorað sex mörk í átján leikjum í fyrstu deildinni í sumar en hann hefur verið í lykilhlutverki hjá Ólafsvíkingum.

Í fyrra var Þorsteinn valinn efnilegastur í annarri deildinni en hann fór þá á kostum með Víkingum sem unnu deildina með yfirburðum.


30.08.2011 21:52

Snæfellsnes Íslandsmeistar í 3 flokk

Úrslitakeppni þriðja flokks karla í sjö manna bolta var haldin á Höfn í Hornafirði um síðastliðna helgi. Fjögur lið léku til úrslita í þessum flokki og voru það auk Snæfellsness lið Sindra frá Höfn, UMFL frá Þórshöfn og Skallagrímur Borgarnesi. Leikið var á laugardag og sunnudag. Fyrir lokaleikinn, sem var gegn Sindra, var staðan sú að Snæfellnesi nægði jafntefli til að tryggja sér Íslandsmeistaratitilinn því þeir voru með betra markahlutfall en Sindri. Eins og fyrr segir var síðan lokaleikurinn háður á sunnudagsmorguninn og er víst óhætt að segja að um háspennuleik hafi verið að ræða þar sem tvö jöfn lið mættust. Snæfellingar náðu forystunni um miðjan fyrri hálfleik en Sindramönnum tókst að jafna undir lok hálfleiksins og var staðan jöfn í hálfleik. Í síðari hálfleik hélst leikurinn í jafnvægi lengst af en eftir því sem á leið jókst sóknarþungi Snæfellsness og voru þeir komnir með góð tök á leiknum, alltaf líklegir til að bæta við marki sem þó ekki tókst. Leiknum lauk því með jafntefli  1-1 og Snæfellsnes sigurvegarar á markahlutfalli. Óhætt er að segja að drengirnir hafi staðið sig mjög vel í sumar þar sem þeir hafa spilað 13 leiki og unnið alla nema einn og endað sumarið með markatöluna 103 - 14.

 

Þriðji flokkur Snæfellsness eru Íslandsmeistarar í sjö manna bolta. Ljósm. Gústaf Geir Egilsson.
Þriðji flokkur Snæfellsness eru Íslandsmeistarar í sjö manna bolta. Ljósm. Gústaf Geir Egilsson.

28.08.2011 11:26

Tap gegn Selfyssingum


27. ágúst 2011

Víkingar tóku á móti Selfyssingum í blíðskapar veðri í Ólafsvík í dag. Aðstæður til knattspyrnuiðkunnar voru mjög góðar, logn, blautur völlur og sólin glotti við tönn. Leikurinn fór rólega af stað og ljóst að hvorugt lið vildi missa af þeim stigum sem í boði voru. Þar að leiðandi voru liðin ekki að gefa mikil færi á sér og varnarleikur var í hávegum hafður.

 

Á upphafsmínútum leiksins vildu Víkingar fá vítaspyrnu þegar Guðmundur Steinn Hafsteinsson var  felldur innan teigs. Valgeir Valgeirsson var þó ekki á þeim buxunum að dæma vítaspyrnu og lét leikinn halda áfram. Guðmundur var að komast einn inn fyrir og líklega hefði Valgeir þurft að reka varnarmann Selfyssinga útaf hefði hann dæmt.

 

Hættulegasta færi Selfyssinga fékk Sævar Þór Gíslason þegar boltinn barst til hans inn í teig. Skot hans var þó ekki nægilega gott og Einar átti ekki í vandræðum með að verja skotið. Hinum megin átti Jóhann Ólafur Sigurðsson góða markvörðslu þegar Guðmundur Magnússon átti gott  skot að marki.

 

Um miðbik fyrri hálfleiks varð Valgeir fyrir því óláni að lenda í árekstri við Jón Daða Böðvarsson og virtist hálf vankaður eftir. Staðan var þó 0-0 þegar hann flautaði til loka fyrri hálfleiks.

 

Seinni hálfleikur fór rólega af stað líkt og sá fyrri. Fyrsta alvöru færi eftir leikhlé fékk Guðmundur Magnússon þegar hann komst einn inn fyrir vörn gestanna en vippa hans fór beint á Jóhann í marki Selfoss. Hættulegasta færi Selfyssinga kom eftir hornspyrnu þegar Artjoms Goncars hreinsaði af línu góðan skalla gestanna.

 

Þegar um það bil 20 mínútur voru eftir af leiknum skoraði Jón Daði Böðvarsson eina mark leiksins. Jón fékk þá að valsa fyrir framan vítateiginn og náði góðu skoti sem Einari Hjörleifsson í marki Víkings réði ekki við. Fram að markinu var ekki margt í spilunum hjá báðum liðum og kom því markið Víkingum í opna skjöldu. Víkingar komu sterkir til baka og þegar 10 mínútur voru eftir að leiknum hefðu Víkingar átt að fá vítaspyrnu þegar brotið var á Guðmundi Magnússyni fyrir opnu marki. Valgeir var hins vegar ekki á sama máli og dæmdi ekki neitt.

 

Það fór því svo að Selfyssingar fóru með sigurorð af Víkingum í jöfnum leik þar sem sigurinn hefði auðveldlega geta fallið með Ólsurum. Selfyssingar styrkja stöðu sína í öðru sæti á meðan Víkingar sitja eftir með sárt ennið með 28 stig. 

Víkingur Ólafsvík

24.08.2011 10:32

UMFG leitar að knattspyrnuþjálfar

Knattspyrnuþjálfari óskast!

UMFG auglýsir eftir knattspyrnuþjálfar til að þjálfa 6-2 flokk karla og kvenna veturinn 2011-2012. Viðkomandi þarf að geta

hafið störf 5 september.

Nánari upplýsingar og umsóknir berast til Tómasar á póstfangið tomasfreyr@gmail.com fyrir 25.águst.

Stjórn UMFG

21.08.2011 13:28

Auðvelt hjá UMFG

Stórsigur

Föstudagskvöldið 19. ágúst mættu Skallagrímsmenn í Grundarfjörðinn til að etja kappi við heimamenn. Með sigri gátum við gulltryggt okkur efsta sætið í riðlinum og verið með mestan stigafjölda af öllum liðinum í 3 deildinni. 


Byrjunarliðið gegn Skallagrím

Við byrjuðum þennan leik af miklum krafti og það var greinilegt hvort liðið var grimmara því að það voru ekki liðnar nema 2 mínútur af leiknum þegar að Heimir Þór fær boltann fyrir utan teig, tekur einn á og setur hann í fjærhornið og staðan orðin 1-0. 


Heimir fagnar fyrsta markinu

Við vorum með öll völd á vellinum og bara tímaspursmál hvenær fleiri mörk myndu líta dagsins ljós. Það gerðist svo á 24 mínútu að við fáum hornspyrnu, boltinn berst inní teig þar sem að Finnbogi nær að skófla honum að marki þar sem að Heimir Þór kemur aðvífandi og kemur okkur í 2-0.


Annað markið í uppsiglingu

Þannig var staðan þegar að dómarinn flautaði til hálfleiks. Í síðari hálfleik komu Borgnesingarnir grimmari til leiks og reyndu aðeins að klóra í bakkann. Það gekk ekki upp hjá þeim og átti Golli frekar náðugan dag í markinu hjá okkur. Það var svo á 66 mínútu að Heimir Þór nær að fullkomna þrennuna en rétt áður hafði hann átt skot í slá.


Heimir bregður á leik eftir að hafa skorað þrennu.

Staðan því orðin 3-0 og það var eins og allur vindur væri úr Skallagrímsmönnum eftir þetta. Við óðum í færum og átti Aron til að mynda skalla rétt framhjá markinu. Finnbogi var líka óheppinn fyrir framan rammann þangað til á 78 mínútu að hann nær loksins að koma boltanum yfir marklínuna og koma okkur í 4-0.


Finnbogi var að leika sinn fyrsta leik í sumar á Grundarfjarðarvelli og fagnaði því með marki.

Það var svo á 83 mínútu að Birkir Freyr, sem var nýkominn inná sem varamaður, nær að skora og koma okkur í 5-0 með sinni fyrstu snertingu í leiknum. Þetta var hans fyrsta mark í sumar og er strákurinn vel að því kominn. 


Strákarnir fagna Birki

Leiknum lauk með 5-0 stórsigri okkar og gulltryggðum við því efsta sætið í riðlinum. Við enduðum riðilinn með 35 stig sem eru flestu stigin af öllum liðum í þriðju deildinni öllum riðlum. Af 14 leikjum þá unnum við 11, gerðum 2 jafntefli (Bæði gegn Kára) og töpuðum aðeins 1 leik (gegn Álftanesi hér heima).  Við skoruðum 37 mörk og fengum aðeins 12 mörk á okkur (næst fæst mörk í 3 deildinni)

Árangur sumarsins er framar okkar björtustu vonum og komum við skemmtilega á óvart með frábærri spilamennsku og öflugum varnarleik.

Í úrslitakeppninni mætum við Magna frá Grenivík sem að lenti í 2 sæti D riðils. Næsti leikur okkar er því laugardaginn 27. ágúst kl 14:00 á Grenivíkurvelli. 

Fleiri myndir eru í myndaalbúminu.

20.08.2011 16:03

Létt hjá Víking

Myndaveisla: Ólafsvíkingar fóru létt með Þrótt
Tomasz Kolodziejski kíkti í Laugardalinn í gær og sá Víking frá Ólafsvík vinna 0-4 sigur á Þrótti í 1. deild karla á Valbjarnarvelli. Hér að neðan má sjá myndirnar hans.














Fr�tt fr� F�tbolta.net. Sj alla fr�ttina: http://www.fotbolti.net/fullStory.php?id=113311#ixzz1VaL8Jr7o

19.08.2011 09:53

Sannfærandi hjá Víking

 

Víkingar unnu í kvöld sannfærandi sigur á HK-ingum sem komu í heimsókn á Ólafsvíkurvöll. Leikurinn fór fjörlega af stað og strax á 7. mínútu leiksins vildu heimamenn fá vítaspyrnu. Guðmundur Magnússon nýtti sér þá mistök Ögmundar Ólafssonar í marki gestanna sem missti boltann frá sér sem varð til þess að Guðmundur náði til hans. Þegar Guðmundur var við það að komast einn fyrir opnu marki braut Ögmundur á honum með þeim afleiðingum að Guðmundur féll í teignum. Þórður Már Gylfason annars ágætur dómari leiksins sá hins vegar ekki ástæðu til að flauta og varnarmenn HK hreinsuðu frá markinu.

 

Á 12. mínútu dró svo til tíðinda þegar Edin Beslija kom heimamönnum yfir. Eldar Masic fékk þá boltan á hægri vængnum og sendi hann fyrir.  Þorsteinn Már Ragnarsson lét boltann fara milli lappanna á sér og þaðan fór boltinn til Edins sem þrumaði honum í bláhornið fjær, framhjá Ögmundi í marki HK og staðan 1-0.

 

Átta mínútum síðar bætti Edin við sínu öðru marki og kom heimamönnum í 2-0. Björn Pálsson vann þá boltann af harðfylgi fyrir utan teig, renndi honum inn fyrir á Edin sem lék á varnarmenn og setti boltann snyrtilega framhjá Ögmundi í markinu. Þegar þarna var komið við sögu voru 20 mínútur liðnar af leiknum og heimamenn komnir í vænlega stöðu.

 

HK-ingar réðu illa við pressu heimamanna sem keyrðu grimmt og gáfu ekkert eftir þrátt fyrir 2-0 forystu. Það var svo Matarr Nesta Jobe sem bætti við þriðja marki heimamanna á 44. mínútu. Matarr skallaði þá góða hornspyrnu Guðmundar Magnússonar í netið. Staðan var því 3-0 þegar Þórður Már Gylfason flautaði til loka fyrri hálfleiks.

 

Víkingar komu ákveðnir til leiks í síðari hálfleik, staðráðnir í að bæta við fleiri mörkum og lengi vel stefndi í stórsigur heimamanna. Þorsteinn Már Ragnarsson var nálægt því að bæta við fjórða marki Víkinga strax á upphafs mínútum síðari hálfleiks en skot hans fór rétt framhjá úr ágætu færi. Þorsteinn var að von sáttur með stigin þrjú í lok leiks. "Já mjög  sáttur, við vorum mun betri í fyrri hálfleik og keyrðum á þá. Ég er aftur á móti ekki nógu sáttur með þann seinni en kláruðum þetta engu að síður sannfærandi að mínu mati."

 

Jóhann Andri Kristjánsson komst næst því að skora fyrir HK þegar hann fékk úrvalsfæri inn í teig Víkings. Einar Hjörleifsson varði hins vegar skot Jóhanns sem var kominn helst til of nálægt Einari og Tomasz Luba náði að hreinsa áður en Jóhann komst aftur í boltann. HK-ingum óx ásmegin þegar líða tók á seinni hálfleik en strákarni í vörn Víkings vörðust fimlega. Víkingar áttu einnig nokkur færi og skot sem Ögmundur í markinu varði vel. Hvorugu liðinu tókst að setja mark í seinni hálfleik og leiknum lauk því með 3-0 sigri Víkings.

 

Víkingar fara með sigrinum í 25 stig og upp um eitt sæti. Fjölnir sem nú er í 7. sæti getur hins vegar farið upp fyrir Víking takist þeim að vinna leikinn sem þeir eiga til góða gegn KA. HK-ingar sitja sem fyrr á botni deildarinnar með 6 stig og róðurinn farinn að þyngjast all verulega. Næsti leikur Víkings er gegn Þrótturum næstkomandi föstudag og hvetjum við Víkinga til að fjölmenna á Valbjarnarvöll. 

 

Víkingur Ólafsvík

15.08.2011 10:33

Sigur hjá UMFG geng Álftanesi

Sæti í úrslitakeppninni

Við mættum Álftanesi á Bessastaðavelli í dag. Fyrir leikinn vorum við í efsta sætinu með 29 stig en Álftanes í öðru sæti með 28 stig. Þetta var því sannkallaður toppslagur í C-riðli. Leikurinn sjálfur var í járnum til að byrja með. Liðin skiptust á að sækja og jafnræði var með þeim. Það var svo Steinar Már sem braut ísinn þegar hann skoraðu með góðu langskoti í fyrri hálfleik. Staðan orðin 0-1 fyrir okkur. Eftir markið fór Álftanes að pressa aðeins en gríðarlega sterk vörn okkar bægði flestum sóknum frá og það sem kom í gegn varði Ingólfur.



Í síðar hálfleik var annað uppá teningnum. Álftnesingar komur grimmir til leiks og freistuðu þess að jafna. Þeir voru mikið meira með boltann en Ingólfur átti sannkallaðan stórleik í markinu hjá okkur. Hann varði allt sem kom á markið og það voru nokkur dauðafæri. Í eitt skiptið bjargaði stöngin okkur. Pressa heimamanna jókst jafnt og þétt en við það fækkaði í vörninni hjá þeim. Það var svo Steinar Már sem náði að geysast upp kantinn í eitt skiptið þegar fáliðað var í vörn heimamanna og koma boltanum í netið og okkur þar af leiðandi í 0-2 þegar skammt var eftir af leiknum. Heimamenn fengu nokkur dauðafæri í viðbót en Ingólfur varði þau jafn harðan og gerir tilkall til þess að verða maður leiksins að öðrum ólöstuðum. En vörnin hjá okkur var gríðarsterk í þessum leik.

 

Nú er sætið í úrslitakeppninni tryggt og bara spurning um hvort að við lendum í fyrsta eða öðru sæti í riðlinum. Með sigri á Skallagrím í næsta leik er efsta sætið tryggt.





Það var Davíð Wium sem tók myndirnar fyrir okkur í þetta skiptið. Fleiri myndir inná myndaalbúminu.

08.08.2011 11:10

Tap geng ÍA

05. ágúst 2011

Víkingar tóku í kvöld á móti nágrönnum sínum frá Akranesi í blíðskapar veðri á Ólafsvíkurvelli. Gestirnir fóru betur af stað og náðu ágætis pressu strax á fyrstu mínútum leiksins. Á 8. mínútu leiksins dró til tíðinda þegar gestirnir fengu aukaspyrnu á fínum stað. Á vettvang steig kantmaðurinn knái Gary Martin sem gerði sér lítið fyrir og skoraði framhjá Einari í marki Víkings. Boltinn hafði viðkomu í varnarvegg Víkings sem gerði það að verkum að boltinn hafnaði rétt undir markvinklinum fjær.

 
Artjoms í baráttunni við Gary Martin (Mynd: Þröstur Albertsson)

Í kjölfarið á markinu rönkuðu heimamenn við sér og komust jafnt og þétt betur inn í leikinn. Það sem eftir lifði hálfleiksins voru heimamenn ívið sterkari. Björn Pálsson sem kom nýlega á láni frá Stjörnunni var nálægt því að jafna metin eftir hornspyrnu Guðmundar Magnússonar. Skallinn hafnaði hins vegar í varnarmönnum Skagamanna og þaðan rétt yfir markið. Hvorugu liðinu tókst að skora það sem eftir lifði hálfleiks og var staðan því 0-1 gestunum í vil þegar Erlendur Eiríksson flautaði til leikhlés.

Síðari hálfleikur var mun rólegri en sá fyrri og hvorugu liðinu tókst að koma knettinum í mark andstæðingsins. Víkingar reyndu hvað þeir gátu að jafna metin og Skagamenn voru staðráðnir í að halda fengnum hlut. Varnir beggja liða héldu vel þar sem sóknarlotur beggja liða enduðu ávalt á síðasta fjórðung vallarins.

Það fór því svo að Skagamenn fóru með sigur af hólmi gegn sprækum Víkingum sem geta svo sannarlega gengið uppréttir í baki eftir frammistöðu sína í þessum leik. Skagamenn styrkja stöðu sínum á toppi deildarinnar og fátt virðist geta komið í veg fyrir sigur þeirra í 1. deild. Víkingar sitja enn sem fastast í 7. sæti með 19 stig. 

Víkingur Ólafsvík

08.08.2011 10:50

Jafnt hjá Kára og UMFG

Laugardaginn 6. ágúst mættum við liði Kára frá Akranesi á Akranesvelli. Kári var fyrir þennan leik með 22 stig, 6 stigum á eftir okkur. Með sigri hefði Kári getað blandað sér af miklum krafti í baráttuna um úrslitakeppnina. 



Það var mikið í húfi fyrir bæði lið. Leikurinn byrjaði frekar varlega en það var á 8 mínútu að Gísli Freyr Brynjarsson fær sendingu innfyrir og skorar og staðan orðin 1-0 Kára í vil. Við þetta vöknuðum við og fórum að setja aðeins á þá. Það bar svo árangur þegar að Heimir tekur aukaspyrnu fyrir utan teig og smyr boltann uppí samúel og jafnar metin 1-1. Stórglæsilegt mark hjá kappanum. Þannig var staðan í hálfleik.



Það voru ekki liðnar nema 10 mínútur af síðari hálfleik þegar að Káramenn komast aftur yfir. Þetta var gegn gangi leiksins því að við vorum að eiga virkilega góðan kafla þegar að þetta mark kom í andlitið á okkur. 
Svo á 71 mínútu missa Kára menn Gísla Frey útaf en hann náði sér í tvö gul spjöld með nokkurra mínútna millibili og var því sendur í sturtu. Þá upphófst mikil pressa að marki Káramanna sem bökkuðu svolítið eins og við var að búast. Sú pressa bar árangur á 91 mínútu þegar að Steinar Már fær góða fyrirgjöf frá Tryggva og nær að stýra boltanum framhjá Eyþóri í marki Káramanna og jafnar metin í 2-2. Þetta urðu úrslit leiksins og gríðarlega mikilvægt stig fyrir okkur sem gefur okkur góðan séns á sæti í úrslitakeppninni. Við erum einir á toppnum með 29 stig, einu stigi meira en Álftanes. Berserkir eru svo með 27 stig en Álftanes og Berserkir mætast í síðasta leiknum. Okkur nægir einn sigur í viðbót til að tryggja okkur.


Fleirri myndir á
http://grundarfjordur.123.is/

01.08.2011 22:48

Brynjar Kristmunds lánaður til Vals-

Brynjar Kristmundsson er farinn í Val á láni.
Mynd: Valur
Varnarmaðurinn Brynjar Kristmundsson er genginn til liðs við Val frá Víkingi Ólafsvík en þetta staðfesti Friðjón R. Friðjónsson formaður knattspyrnudeildar félagsins við Fótbolta.net í dag.

Brynjar kemur til félagsins á láni frá Ólafsvíkingum en Friðjón sagði að með þessu væri Valur komið með fleiri möguleika í vörnina að nýju eftir að Stefán Jóhann Eggertsson fór frá þeim til HK.

Brynjar Kristmundsson hefur verið einn af bestu leikmönnum Ólafsvíkurliðsins en hann er fjölhæfur leikmaður sem getur leyst nokkrar stöður.

Hann er 19 ára gamall en hefur þrátt fyrir það mikla reynslu með meistaraflokki og hefur leikið 74 leiki fyrir Víkinga í deild og bikar. Hann hefur skorað í þessum leikjum sex mörk.

Friðjón sagði að með þessu væri ljóst að Valur geri ekki fleiri breytingar á liði sínu áður en félagaskiptaglugginn lokar á miðnætti annað kvöld.


Frétt fr� Fótbolta.net. Sj alla fr�ttina: http://www.fotbolti.net/fullStory.php?action=viewStory&id=112260#ixzz1Tou4Kq5G

01.08.2011 22:41

Víkingur fær leikmann frá BÍ


Ólafsvíkingar eru komnir með liðsstyrk frá BÍ/Bolungarvík.
Mynd: Fótbolti.net - Ingunn Hallgrímsdóttir
BÍ/Bolungarvík hefur látið suður-afríska miðjumanninn Nicholas Anthony Efstathiou fara frá sér og til Víkings Ólafsvík en leikaðurinn kom til BÍ/Bolungarvíkur fyrr í mánuðinum.

Nicholas er 22 ára gamall og kemur úr unglingaliði Ajax Cape Town í heimalandi sínu.

Hann náði ekki að spila leik með BÍ/Bolungarvík síðan hann kom til félagsins 6. júlí síðastliðinn.

BÍ/Bolungarvík var að fá lið liðs við sig Pétur Georg Markan fyrr í dag.

Ólafsvíkingar hafa verið að styrkja sig í glugganum og fengið til liðs við sig Björn Pálsson frá Stjörnunni og Guðmund Magnússon frá Fram.


Frétt fr� Fótbolta.net. Sj alla fr�ttina: http://www.fotbolti.net/fullStory.php?action=viewStory&id=112227#ixzz1TosIzt6Q

31.07.2011 22:37

Nýr leikmaður hjá UMFG

Nýr leikmaður

Grundarfjörður hefur fengið liðsmann frá BÍ... Hann heitir Stratos Christo Efstathiou og er frá Suður Afríku. Hann mun verða löglegur frá og með morgundeginum.

31.07.2011 22:36

Sigur hjá UMFG

Sigur

Fimmtudagskvöldið 28. júlí síðastliðinn fórum við í Breiðholtið til að etja kappi við Afríku. Spilað var á gervigrasinu á Leiknisvellinum. 
Aðstæður til knattiðkunar var til fyrirmyndar. Smá súld á köflum og blankalogn.

Við byrjuðum leikinn ágætlega en ekkert meira en það. Lítið að gerast í leiknum þannig séð og Ingólfur þurfti lítið að láta til sín taka í markinu. Afríka komst í eina álitlega sókn í öllum fyrri hálfleiknum en þá áttu þeir skot í þverslána og sluppum við með skrekkinn í það skiptið. Svo átti Tryggvi líka skalla tilbaka sem Ingólfur þurfti að hafa sig allan við til að verja. 
Á 42 mínútu á einn Afríkumaðurinn glórulausa tæklingu aftan í Jón Steinar sem lá óvígur eftir. Uppúr sauð á milli leikmanna og einum leikmanni Afríku var vikið af leikvelli. Runni kom inná fyrir Jón Steinar sem gat ekki haldið áfram sökum meiðsla. Runni var ekki búinn að vera inná nema í nokkrar sekúndur þegar að hann fékk dauðafæri en var óheppinn að skora ekki. Svo fékk hann tvö önnur mjög góð færi áður en dómarinn flautaði til leikhlés og staðan í hálfleik markalaus.



Í síðari hálfleiknum var allt annað uppá teningnum því að Runni slapp í gegn og skoraði af öryggi strax í byrjun síðari hálfleiks. Staðan orðin 1-0 okkur í vil. Nokkrum mínútum síðar átti Heimir Þór mjög gott skot sem markvörður Afríku réði ekki við og staðan því orðin 2-0 aðeins með nokkurra mínútna millibili. 



Eftir þetta réðum við lögum og lofum á vellinum og Afríkumenn fengu ekki eitt einasta færi í seinni hálfleik. Við fengum þau nokkur en náðum því miður ekki að nýta neitt þeirra. Ragnar Smári átti fallegt skot í stöngina og út. Aron átti skalla í stöng auk þess sem markvörðurinn þeirra varði nokkrum sinnum vel. Lokastaðan varð því 2-0 og við náðum þriggja stiga forskoti í fyrsta sætinu í riðlinum.



Framundan eru tveir gríðarlega mikilvægir útileikir gegn Kára og Álftanesi. Þessi tveir leikir koma til með að ráða úrslitum um hvort að við komumst áfram í úrslitakeppnina eður ei.



Næsti leikur er gegn Kára laugardaginn 6. ágúst á Akranesi.

HSH

Nafn:

Héraðssamband Snæfellsnes og Hnappadalssýslu

Farsími:

865-0294

Afmælisdagur:

24 september 1922

Heimilisfang:

Sólvellir 3. 350 Grundarfirði

Staðsetning:

Snæfellsnes

Heimasími:

436-1635

Önnur vefsíða:

umfi.is

Kennitala:

620169-5289

Bankanúmer:

0191-15-370322

Tenglar

Flettingar í dag: 106
Gestir í dag: 12
Flettingar í gær: 822
Gestir í gær: 46
Samtals flettingar: 3294068
Samtals gestir: 253602
Tölur uppfærðar: 19.1.2018 03:33:19
Flettingar í dag: 106
Gestir í dag: 12
Flettingar í gær: 822
Gestir í gær: 46
Samtals flettingar: 3294068
Samtals gestir: 253602
Tölur uppfærðar: 19.1.2018 03:33:19