Héraðssamband Snæfellsnes og Hnappadalssýslu

Flokkur: Körfubolti

31.10.2011 15:48

Snæfell hafði betur í framlengingu

Snæfell marði Tindastól í Lengjubikarnum


31. október 2011

Stórslemmuleikur var í Lengjubikarnum í Hólminum í gærkveldi þegar Snæfell fékk Tindastól í heimsókn. Hlutirnir hafa ekki alveg verið að ganga hjá þessum liðum að undanförnu, sérstaklega ekki Stólunum sem skiptu um þjálfara á dögunum en þar er nú kominn við stjórnvölinn Hólmarinn Bárður Eyþórsson sem mætti að nýju á sinn gamla heimavöll. Leikurinn var hörkuspennandi frá upphafi til enda, mikil keyrsla og tilþrif. Framlengja þurfti eftir venjulegan leiktíma en Snæfellingar náðu að lokum að knýja fram sigur, 93:91.

Fyrri hálfleikurinn var hnífjafn og aldrei mikill munur á liðunum. Staðan í leikhléi 40:39 fyrir Snæfelli. Tindastólsmenn náðu síðan góðum tökum á leiknum í upphafi seinni hálfleiks og komust mest í 11 stiga forustu, en heimamenn gerðu vel að laga stöðuna í 60:62 fyrir lokakaflann.

 

 

 

 

Tindastólsmönnum tókst aftur að slíta sig frá í byrjun síðasta leikhluta, en sveiflur voru í leiknum og hvorugt liðið vildi gefa sinn hlut. Snæfell var komið yfir 78:74 þegar ein og hálf mínúta var eftir af venjulegum leiktíma. Tindastóli tókst að brúa það bil og komast tveimur stigum yfir 83:81 og aðeins hálf þriðja sekúnda eftir þegar Snæfellingar tóku leikhlé. Sá tími dugði Pálma Frey Sigurgeirssyni til að jafna metin með sniðskoti 83:83. Sama spennan hélt síðan áfram í framlengingunni og segja má að þá hafi úrslitin ráðist á vítalínunni. Tindastólsmenn voru að klikka á sínum skotum, en Snæfellingar sýndu meira öryggi og náðu að lokum að knýja fram sigur, 93:91.

Hjá Snæfelli var Marquis Hall stigahæstur með 30, 7 stoðsendingar og 3 stolna bolta. Quincy Cole var með 14 stig og 11 fráköst, Jón Ólafur Jónsson 14 og 4 fráköst, Hafþór Gunnarsson 11 stig, Sveinn Arnar Davíðsson 8 stig og 4 stoðsendingar, Ólafur Torfason 7 stig, 8 fráköst og 3 stoðsendingar, Pálmi Freyr 6 stig og 4 fráköst og Egill Egilsson 3 stig. Hjá Tindastól var Trey Hampton með 20/7 frák/3 stoð og Friðrik Hreinsson 18/3 frák/5 stoðs.

 

30.10.2011 21:02

Snæfellsstúlkur unnu Hamar 80-70

Umfjöllun: Snæfell færði Hamri fjórða deildartapið í röð
Karfan.is

Umfjöllun: Snæfell færði Hamri fjórða deildartapið í röð

 
Hamarsstúlkur, sem hafa það hlutskipti eftir 3 leiki í deildinni að verma botnsætið, mættu í Hólminn og tókust á við Snæfell sem var sæti fyrir ofan. Ingi Þór sat í stúkunni og tók út leikbann í þessum leik.
Byrjunarliðin:
Snæfell: Hildur Sig, Hildur Björg, Alda Leif, Helga Hjördís, Kieraah Marlow.
Hamar: Hannah Tuomi, Samantha Murphy, Jenný Harðar, Álfhildur, Kristrún Rut.
 
Snæfell byrjaði á ferskari endanum og áttu fyrstu fjögur stigin og Hamar vaknaði á 6:53 og settu sína fyrstu körfu og komust svo í 7-9 eldhressar. Stúlkurnar voru farnar að hitna í báðum liðum en Snæfell strögglaði þó meira í sínum aðgerðum og fengu Hamarsstúlkur oft körfu og villu að auki og kláruðu þau skot. Snæfell hékk þó ekki langt undan og gekk erfiðlega að koma niður auðveldum skotum á meðan Hamar nýtti sín betur hinumegin. Staðan var 15-20 fyrir Hamar eftir fyrsta hluta.
 
Samantha Murphy fór mikinn fyrir Hamar á upphafsmínútum annars hluta og kom Hamri í 15-29 með stolnum boltum og þriggja stiga körfum, allt í fleirtölu. Snæfell hafði einungis skorað þrjú stig gegn sterkri svæðisvörn gestanna undir miðjann hlutann og lítið sem ekkert að sjá á leik þeirra sem gaf til kynna endurkomu í leikinn að ráði. En þær sýndu annað og áttu 13-1 kafla sem gaf þeim allann séns í leikinn aftur og með því svara svæðisvörninni með svæðisvörn og staðan varð 30-32 í hálfleik.
 
32-32 hófust leikar í þriðja hluta og Hildur Sigurðardóttir fylgdi eftir með þrist 35-32 og spretturinn hjá Snæfelli varð 18-1 áður en Hamar skoraði. Hamarsstúlkur stigu þó skrefið fram fyrir og náðu forystunni 37-41 á svipaðann hátt og áður í leiknum þar sem Snæfell strögglaði í sóknum sínum en þá kom Björg Guðrún inná og jafnaði 41-41 með einum ísköldum úr horninu. Taflið snerist svo við þegar Snæfell sótti hratt á og náði 51-46 forskoti þar sem Hamar fór að hitta illa, mjög kaflaskiptur leikur í gangi og staðan 55-49 fyrir Snæfell fyrir lokasprettinn í leiknum.
 
Snæfell náðu að halda sér á forystuskónum og var staðan 63-54 undir miðjann hluta þegar Lárusi fannst tími til kominn að ræða málin við sit lið sem komst ekki mikið inn í leikinn til að sækja á. Hildur Sigurðardóttir sá um 6 stig fyrir Snæfell með hraðaupphlaupum og setti miðið fyrir Snæfell á lokasprettinum. Þær komust í 75-59 þegar talið var niður í síðustu þrjár mínútur leiksins. Hamar fóru að pressa um allan völl til að reyna að fá boltann en sóknir runnu út í sandinn oft en mikið var stólað á Samantha Murphy í þriggja stiga skotum en Snæfell tók fráköstin og kláruðu leikinn sannfærandi í fjórða hluta og unnu 80-70.
 
 
Umfjöllun: Símon Hjaltalín

28.10.2011 00:07

Snæfell tapaði fyrir ÍR

Eftir leik í Hellinum: Kjaftshögg að fá á sig 35 stig í fyrsta leikhluta
27 10 2011 |

Eftir leik í Hellinum: Kjaftshögg að fá á sig 35 stig í fyrsta leikhluta

 
Níels Dungal var að öðrum ólöstuðum einn sterkasti maður ÍR í kvöld þegar liðið lagði Snæfell í Iceland Express deild karla. Kappinn var að vonum sáttur með sigurinn eftir tvo tapleiki í síðustu umferðum og sagði sigurinn gríðarlega mikilvægan fyrir ÍR-liðið.
,,Sigurinn var mikilvægur fyrir andann í liðinu og þá sérstaklega þegar vantar hjartað í liðið, Sveinbjörn Claessen, og besta sóknarmanninn, Jimmy Bartolotta," sagði Níels og kvaðst sáttur með fjögur stig eftir fjórar umferðir.
 
,,Við byrjum á hörku leikjum, töpum fyrir nýliðum Þórs sem eru með gott lið og svo vita allir stærð Grindvíkinga en með sigri á Snæfell og vera 2-2 í deildinni eftir fjórar umferðir er áægtt með menn í meiðslum."
 
Hvað áttu von á að svona sigur geri fyrir hópinn?
,,Þetta þjappar hópnum saman, þegar vantar tvo svona sterka leikmenn þá axla aðrir meiri ábyrgð og það verða allir orðnir sterkari og betri þegar Jimmy og Sveinbjörn koma inn," sagði Níels og viðurkenndi að ÍR-ingar hefðu verið full gestrisnir í upphafi leiks.
 
,,Það var kjaftshögg að fá á sig 35 stig í fyrsta leikhluta og þetta var hreint ekki vel gert af Hólmurum, hélt ég þekkti þá betur en þetta," sagði Níels í léttum tón. ,,Annars skora þeir bara 45 stig í næstu þremur leikhlutum svo það er ekki hægt að vera annað en sáttur.
 
Ingi Þór Steinþórsson þjálfari Snæfells kvaðst alls ekki ósáttur við sína menn í kvöld þó vissulega væri grautfúlt að tapa.
 
,,Við fórum í svona ,,comfort zone" í fyrsta leikhluta og spiluðum gríðarlega vel á öllum vígstöðfum og skiptum hraustlega inn á völlinn, það voru allir klárir en svo töpum við 29-11 í öðrum leikhluta," sagði Ingi og talaði um að Snæfellsliðið hefði orðið bensínlaust á lokasprettinum.
 
,,Mér fannst vanta villur undir körfunni í lokin og í staðinn koma ÍR-ingar með hraðaupphlaup í bakið á okkur, þetta var bara svoleiðis leikur og mér fannst hann fara frá okkur þegar ÍR nær að sprengja upp vörnina okkar með boltum á veiku hliðina og setja niður tvo til þrjá þrista. Þá var komin smá brekka hjá okkur en við hættum ekki og áttum smá séns hér í lokin en urðum bara bensínlausir," sagði Ingi sem er að innleiða Marquis Hall í stöðu leikstjórnanda eftir að félagið lét Brandon Cotton fara.
 
,,Ég er alls ekki ósáttur við liðið í kvöld, við sýndum að við erum stutt komnir í því sem við erum að gera, erum eiginlega á byrjunarreit en við börðumst svo ég er þokkalega ánægður en ég er aldrei ánægður með tap, bara grautfúll yfir því."
 
Mynd/ Þorsteinn Eyþórsson: Níels fór mikinn í Hellinum í kvöld
 

26.10.2011 21:30

Marquis Sheldon Hall til Snæfells


Marquis Sheldon Hall gengin til liðs við Snæfell

Snæfell frá Stykkishólmi hafa ráðið leikstjórnandann Marquis Sheldon Hall og mun hann leika með þeim gegn ÍR-ingum annað kvöld í Seljaskóla þegar liðin mætast klukkan 19:15.  Marquis er um 180 cm og lék hann með LeHigh háskólanum í bandaríkjunum.  Marquis lék á síðasta tímabili með Aalborg í dönsku deildinni þar sem hann þótti standa sig gríðarlega vel og var eftirsóttur. 

 


24.10.2011 10:05

Snæfell tapaði í vesturbænum

úr leik Snæfells og Hauka

Eini leikur kvöldsins í Iceland Express deild kvenna fór fram í vesturbæ Reykjavíkur þar sem heimastúlkur í KR tóku á móti Snæfelli.  Fyrir leikinn skipuðu þessi lið tvö efstu sæti deildarinnar og því von á hörkuleik. 

Snæfellskonur komu sterkar til leiks og létu finna fyrir sér.  Gestirnir komust í 6-0 og héldu KR-ingum vel í skefjum.  Svart-hvítar voru þó aldrei langt undan og hleyptu Hólmurum aldrei of langt fram úr.  Staðan að loknum fyrsta leikhluta var 13-16, gestunum í vil og allt útlit fyrir toppleik.

Sama var uppi á teningnum í öðrum leikhluta og í þeim fyrsta.  Snæfell var skrefi á undan lengst af , en eftir fjölmargar tilraunir KR-stúlkna tókst þeim loks að jafna leikinn í stöðunni 34-34 og komust að lokum yfir eftir flautu-sniðskot frá Reyönu Colson.  Staðan 36-34 í hálfleik og allt í járnum.

Eftir sjóðheitar flatbökur í hálfleik virtust liðin hafa skipt um hlutverk.  Nú var það KR sem var alltaf skrefinu á undan, og með góðu framlagi frá Reyönu og Margréti Köru náðu þær upp ágætis forskoti.  Leikur Snæfells liðsins datt aðeins niður um miðbik leikhlutans og það nýttu heimastúlkur sér ágætlega og héldu forskoti sínu við 10 stigin.  Staðan fyrir lokafjórðunginn var 60-50, en leikurinn svo sannarlega ekki búinn.

Hólmarar urðu fyrir nokkru áfalli í upphafi fjórða leikhluta þegar Ingi Þór Steinþórsson fékk sína aðra tæknivillu í leiknum, fyrir fremur litlar sakir að því er virtist, og þurfti því að skunda upp í stúku.  KR stelpur tóku við þetta öll völd á vellinum um stundarhríð og Reyana Colson fór á kostum bæði í sókn og vörn.  Í stöðunni 67-54 tóku Hólmarar svo leikhlé til að reyna að ná festu í sinn leik.  Það tókst ágætlega, og gestirnir tóku að saxa mjög á forskot vesturbæinga, og þegar 20 sekúndur lifðu af leiknum skildu einungis 4 stig liðin að.  Nær komust gestirnir þó ekki og Sigrún Sjöfn Ámundadóttir og Margrét Kara Sturludóttir innsigluðu sigur KR í nokkuð kaflaskiptum leik. 

Reyana Colson var stigahæst KR-inga í leiknum með 29 stig auk 9 frákasta og Sigrún Sjöfn kom næst með góða tvennu, 20 stig og 10 fráköst.  Hjá gestunum var Kieraah Marlow stigahæst með 23 stig og Alda Leif Jónsdóttir bætti við 16.

 

Texti:  Elías Karl Guðmundsson


23.10.2011 09:06

Valsstúlkum dæmdur sigur á Snæfell

Úrskurður aga- og úrskurðanefndar


Aga- og úrskurðanefnd KKÍ barst kæra eftir leik Vals og Snæfells í Iceland Express-deild kvenna þann 12. október síðastliðin.

Snæfell hafði betur í leiknum 70:79.

Valur kærði úrslit leiksins á þeim forsendum að einn leikmaður Snæfells, Kieraah Marlow, væri ekki með leikheimild í upphafi leiks.

Aga- og úrskurðanefnd hefur dæmt í málinu og hlýtur Valur sigur í umræddum leik 20-0.

Sjá allan dóminn hérna.

23.10.2011 08:55

Mostri vann Patrek sannfærandi

Mostramenn ferskir á heimavelli
22 10 2011

Mostramenn ferskir á heimavelli

 
Mostri Stykkishólmi mætti Patreki sem skipað er brottfluttum Patreksfirðingum í höfuðborginni en íþróttafélag Patreksfirðinga á Patró heitir Hörður ykkur til upplýsinga. Mostri í Stykkishólmi tók því á móti Patreki eftir að hafa unnið síðasta leik með 42 stigum gegn Heklu í 2. deild. Þetta var leikur kattarins að músinni þar sem Patreksmenn komust illa og lítið inní leikinn og staðan 39-24 í hálfleik.
Leikurinn fór 75-55 fyrir Mostra en Patrekur átti fína spretti inn á milli þess sem Mostramenn slökuðu á taumnum en þeir náðu aldrei að færa það sér í nyt. Mostramenn hlupu fljótt á Patreksmenn og komumst í 20 stiga mun í seinni hálfleik og í fjórða hluta var mest beðið eftir að nýja klukkan í íþróttahúsinu í Hólminum sem var vígð í þessum leik, teldi niður í lokaflautið. Nokkuð af áhorfendum var á leiknum og greinilega ekki körfuboltasvelti í Stykkishólmi. Óskar Hjartarson átti flottann leik fyrir Mostra með 17 stig, 10 fráköst, 10 stoðsendingar.
 
Stigahæstir hja Mostra:
Þorbergur Sæþórsson 22 stig og 10 fráköst. Óskar Hjartarson 17 stig, 10 fráköst, 10 stoðsendingar, Árni Ásgeirsson 12 stig, 13 fráköst, Gulli 10 stig, 7 fráköst, 9 stoðsendingar.
 
Stigahæstir hjá Patrek:
Víkingur 16 stig. Ólafur Long 9 stig. Óli Ingi 9 stig.
 

22.10.2011 16:00

Snæfell tapaði í Þorlákshöfn

Þór stal sigri í lokin

Þórsarar í Þorlákshöfn stálu sigri í lokin eftir að hafa verið undir 78-83 þegar rúmar tvær mínútur voru eftir. Darrin Govens setti þá þrist og kom Þr nær 81-83 og svo tvo til þegar þeir jafna 83-83 þegar um hálf mínúta var eftir. Leikhlé var þegar 11 sekúndur voru eftir og kláraði Marko Latinovic svo dæmið úr lay-up 85-83 og naumt tap Snæfells í jöfnum leik.

 


Þór var yfir í upphafi leiks eftir fyrsta hluta 18-14 en Snæfell herti á tökunum og jafnaði 21-21 og komust yfir i kjölfarið. Leikurinn var jafn og skemmtilegur og staðan í hálfleik 41-41. Liðin skiptust á að skora og var munurinn varla meiri en 6 stig til eða frá. Staðan var 64-68 fyrir Snæfell eftir þriðja hluta sem héldu því að vera yfir mest yfir fjórða hlutann en létu sigurinn renna sér úr greipum í lokin. 

 

Það er alveg ljóst að það er flott og skemmtileg deild sem bíður okkar í vetur og ekki farið í einn einasta leik með gefinn sigur fyrirfram.

 
 
Hjá Snæfelli var Brandon Cotton með 35 stig og enga stoðsendingu. Pálmi 13/4 stoð.
Nonni 9/9 frák/4 stoð. Quincy Cole 8/14 frák og hitti einungis úr 2 af 10 úr tveggja stiga skotum sínum.
 
 
Hjá Þór var Darrin Govens gerði 27 stig og gaf 5 stoðsendingar. Guðmundur Jónsson 16/5 frák/4 stoð og setti 4 of stóra þrista á okkur. Darri Hilmarsson 13 stig.

 

Nánari tölfræði leiksins

22.10.2011 15:58

Ungl.fl. kvenna hjá Snæfell.


Stelpurnar í unglingaflokki léku sinn fyrsta leik gegn Keflavík á heimavelli mánudaginn 17. október.  Liðin mættust einmitt í úrslitaleik á síðasta tímabili þar sem mjótt var á munum.

 


Snæfellsstúlkur sem voru án Berglindar Gunnarsdóttur sem gekk undir aðgerð á hné í síðustu viku hófu leikinn af krafti og leiddu 9-4 og 19-12 eftir fyrsta leikhluta.  Björg Guðrún sem á við meiðsli að stríða lék leikinn og smellti tveimur þristum í lok leikhlutans. 

 

Keflavíkurstúlkur sem eru með efnilegt lið náðu að jafna leikinn og mikil barátta í gangi, staðan í hálfleik 31-31.  Snæfellsstúlkur náðu undir lok þriðja leikhluta 45-36 forystu og héldu henni þar til í stöðunni 52-47.  Þá komur sex stig í röð frá Keflavík sem komust yfir 52-53. Sara Mjöll Magnúsdóttir villaði út og munaði heldur betur um hana.

 

Lokamínúturnar voru mjög spennandi og fengu stelpurnar flott tækifæri til að komast yfir á ný en fóru illa með góð færi.  Keflavíkurstúlkur með Telmu í fararbroddi sigu framúr á lokaskrefinu og tryggðu sér sigurinn og var breiddin þeim drjúg á lokametrunum.  Lokatölur 58-60.


 
Stigaskor Snæfells: Hildur Björg Kjartansdóttir 18 stig, Björg Guðrún Einarsdóttir 15, Ellen Alfa Högnadóttir 11, Sara Mjöll Magnúsdóttir 8, Rebekka Rán Karlsdóttir 4, Aníta Rún Sæþórsdóttir 2 og Silja Davíðsdóttir 0.

 

Stigaskor Keflavíkur: Telma Ásgeirsdóttir og Sara Hinriksdóttir 14 stig, Soffía Sigurðardóttir 11, Aníta Viðarsdóttir 9, Sigrún Alberts 7, Katrín Jóhanns 3 en þær Lovísa Fals, Helena Árna, Birta Jóns, Sandra Lind, Rán Eysteins og Bríet Hinriks 0.


 
Næsti leikur stúlknanna í unglingaflokk er gegn Val þriðjudaginn 25. október í Vodafonehöllinni.

 

18.10.2011 21:55

Snæfell vann Haukastúlkur

Töpuðu niður 18 stiga forystu: Snæfell hélt haus í lokin
18 10 2011

Töpuðu niður 18 stiga forystu: Snæfell hélt haus í lokin

 
Snæfellsstúlkur sigruðu Val úti í fyrstu umferð og Haukastúlkur bið lægri hlut heima fyrir Njarðvík og væntanlega kappsmál að komsta yfir sín fyrstu stig. Berglind Gunnarsdóttir og Björg Guðrún Einardóttir sátu hjá vegna meiðsla hjá Snæfelli.
Byrjunarlið leiksins:
Snæfell: Hildur Sig, Hildur Björg, Helga Hjördís, Alda Leif, Kieraah Marlow.
Haukar: Gunnhildur Gunnars, Guðrún Ósk, Íris Sverris, Jence Rhoads, Hope Elam.
 
Haukastúlkur byrjuðu ferskari og virtust ætla að taka völdin á vellinum strax og Snæfell var að brjóta og voru seinar í vörninni og Haukar sóttu áþær og komust í 6-13. Alda Leif setti þá eitt stykki ískaldann þrist í 9-13 og Snæfell jafnaði svo strax 13-13. Allt annað Snæfellslið sást svo seinni hluta fyrsta fjórðungs sem komust í 21-13 sem var staðan eftir fyrsta hluta og voru gríðalega öflugar. Haukar náðu ekki upp dampi og skoruðu ekki í þrjár og hálfa mínútu gegn sterkari vörn Snæfells og sóknir runnu út í sandinn.
 
Annar hluti byrjaði líkt og sá fyrsti endaði með því að Snæfellsstúlkur voru með góða svæðisvörn og hraðar sóknir sem kom þeim strax í 23-13 með 17-0 kafla, svo 35-17 og Haukastúlkur voru alveg stopp. Þær hresstust og nýttu sér mistök Snæfells í sínum sóknum sem fóru að henda boltunum í gin Haukavarnarinnar sem breyttu fljótt vörn í sókn og sóttu á. Staðan í hálfleik var 43-28 fyrir Snæfell. Stigahæst hjá heimastúlkum var Kieraah Marlow með 15 stig og Hildur Sig með 9 stig og 7 fráköst. Hjá Haukum var Jence Ann Rhoads með 12 stig og 4 fráköst og Írs Sverris kom næst með 6 stig.
 
Bæði Gunnhildur hjá Haukum og Hildur Sigurðar hjá Snæfell höfðu unnið sér inn þrjár villur hvor í fyrri hálfleik en ekki var mikið um villur heilt yfir liðin. Í þriðja hluta voru Haukastúlkur að stilla sig af og voru að nálgast í stöðunni 53-44 og Íris Sverrisdóttir fékk að setjann trekk í trekk af þriggja stiga línunni eða auðveld sniðskot og var hörkugóð en galopin búð og enginn að afgreiða hjá Snæfelli. Staðan var 58-55 eftir þriðja leikhluta og allt var að falla með Haukum í þeirra leik.
 
Haukar komust yfir 60-61 og hægt og bítandi að vinna sig inn. Þetta var orðinn leikur þegar leið á fjórða hluta og liðin skiptust á að skora þó Snæfell héldi sig 2-4 stigum á undan, æsispennandi lokamínútur og staðan 71-69 þegar 39 sekúndur voru eftir og Alda Leif setti víti niður í 72-69. Haukar náðu ekki nýta sóknir sýnar gegn hörkusvæðisvörn Snæfells og Hildur Sigurðardóttir kláraði svo af vítalínunni þegar rétt rúm sekúnda var eftir, eitt niður og Snæfell sigraði 73-69 eftir magnaðann fjórða hluta þar sem lá við allskonar kvillum hjá áhorfendum en Snæfell með fullt hús eftir fyrstu tvo leikina gegn liðunum sem var spáð þriðja og fjórða sæti. Haukastúlkur þurfa svo að bíða lengur eftir sínum fyrsta sigri.
 
Hjá Snæfelli var Kieraah Marlow gríðalega öflug og stighæst með 24/7 frák/4 stoðs. Hildur Sigurðar var með 18/12 fráköst/7 stoðs og stjórnaði liðinu til sigurs af öryggi. Alda Leif 11. Helga Hjördís 10/6 frák. Hildur Björg 6/7 frák. Ellen Alfa og Sara Mjöll 2 stig hvor. Rósa Kristín 0/6 fráköst. Aníta Sæþórsdóttir 0.
 
Hjá Haukum var Íris Sverrisdóttir hörkuflott í seinni hálfleik og skilaði hún mikilvægum stigum þegar þær sóttu mest á en hún endaði með 19 stig. Jence Rhoads var öflug og endaði með 14/7 frák/5 stoð. Hope Elam 10. Gunnhildur Gunnarsdóttir 9/4 stoð. Auður Íris 7. Guðrún Ámundardóttir 6. Margrét Rósa 2. Sólrún Inga, Inga Sif og Ína Salóme 0.
 
Símon B Hjaltalín.

17.10.2011 23:41

Snæfell með sigur á KR

Snæfell með stórsigur á KR í fyrsta heimaleik

KR mættu vígreifir í Hólminn með Emil Þór fyrverandi leikmann Snæfells innanborðs en án Edward Horton sem á við meiðsli að stríða frá síðasta leik. Bæði lið höfðu sigra í sínum leikjum í fyrstu umferð og ljóst að þetta væri leikur annarar umferðar. Þar fór svo að Snæfell hafði undirtökin allann leikinn og leiddi með 20 stigum í hálfleik og það var meðalmunurinn út leikinn sem Snæfell vann 116-100 og Brandon Cotton með 38 stig. Hægt er að segja að svona áttu menn ekki von á KR í Hólminum.

Byrjunarlið leiksins voru:
Snæfell: Quincy Hankins Cole, Brandon Cotton, Pálmi Freyr, Jón Ólafur, Sveinn Arnar.
KR: David Tairu, Finnur Atli, Hreggviður Magnússon, Emil Þór, Björn Kristjánsson.


 Snæfell byrjaði af krafti og sýndu aðeins betri vörn en áður og virtust ætla að smella henni saman á réttu augnabliki. KR réði lítið við hraðann leik Snæfells sem keyrðu allt upp, spiluð mjög góðar sóknir og voru komnir í 20-9 þegar Hrafn tók leikhlé og ræddi aðeins stöðuna. David Tairu kom sterkur inn og setti svo tvo þrista beint í mark og virtist kætast yfir KR mönnum sem reyndu að laga stöðuna fyrir lokaflautið í fyrsta hluta og staðan 29-22 fyrir rauða Snæfellsmenn.

Mikið var tekið af fallbyssuskotum báðum megin í upphafi annars leikhluta sem rötuðu ekki sína leið nema hjá Ólafi Ægis hjá KR og svo Agli Egils hjá Snæfelli. KR voru að klaufast í sóknum sínum og varnalega voru þeir fjarverandi og náðu ekki að hlaupa Snæfell uppi þennan tíu stiga mun. Snæfell áttu svo sem engar draumasóknir en héldu forystunni og máttu einnig fara að mæta til varnarvinnu svona annað slagið.

Skarphéðinn Ingason uppskar óíþróttamannslega villu fyrir að hrindingar og ekki skánaði andinn yfir KR þegar tæknivilla var dæmd á bekk KR fljótlega á eftir fyrir eitthvað sem fór ekki mikið fyrir. Snæfell tók þá leikhlé og féll mikið með þeim á næstu augnablikum leiksins og fóru úr 45-32 í 52-34 og KR reyndi pressu en Snæfell keyrði bara upp hraðaupphlaupin og kláruðu sig á því. Staðan fór svo í 20 stig, 63-43 fyrir Snæfell í hálfleik.

 


 


Snæfell komst í 71-48 og virtust hafa allt vald á vellinum og maður var eiginlega hissa á slakri mótspyrnu KR og átti von á allt öðru frá eins sterku liði, sem leggjast trúlega yfir leik sinn eftir að hafa fengið á sig 80 stig í miðjum þriðja hluta þó David Tairu væri að hamast. Liðin misstu bæði einbeitinguna í varnaleiknum í seinni hálfleik, líkt og á köflum í þeim fyrri, og voru að fá auðveldar körfur undir lok þriðja hluta og staðan 91-71 fyrir Snæfell.

Quincy Cole átti rosalega "alley-oop" troðslu á fyrstu sekúndum fjórða hluta svo fór um fólk og konum féllu í yfirlið. KR sigu, aðeins hressari, nær um miðjann fjórða hluta og var farið að draga af Snæfellingum í stöðunni 99-85. Leikurinn var þó höndum þeirra rauðu sem gáfu engin grið og kláruðu leikinn 116-100. Kristófer Acox hjá KR átti síðasta orðið í leiknum með massatroðslu.

 


Stigaskor Snæfells:

Brandon Cotton sýndi einn stórsóknarleikinn enn og var með 38 stig og bætti meira að segja við sig 3 stoðsendingum frá síðasta leik. Quincy Cole átti flottann leik með 25 stig, 17 fráköst og 5 stoðsendingar ásamt því að troða með tilþrifum. Sveinn Arnar var þar eftir með 13 stig og 4 fráköst og Nonni Mæju 12 stig og 7 fráköst. Ólafur Torfason 9/7 fráköst. Pálmi Freyr 8/ 8 stoðsendingar og stjórnaði leiknum mjög vel. Hafþór Ingi 6/4 stoðs. Egill Egils 5 stig. Guðni, Snjólfur, Þorbergur og Daníel 0.

Stigaskor KR:

Hjá KR var David Tairu í sérflokki með 33 stig og 11 fráköst og sinnti öllum hliðum leiksins vel. Hreggviður Magnússon var með 21 stig og 7 fráköst. Finnur Atli 14/7 frák. Emil Þór var fagnað í Hólminum og skilaði 7 stigum og 3 fráköstum. Skarphéðinn Ingason 6/5 frák. Jón Orri 6. Kristófer Acox 5. Björn Kristjánsson og Ólafur Ægisson 3 stig hvor. Páll Fannar 2. Egill Vignisson og Martin Hermannsson 0.

Tölfræði leiksins

Punktar úr leiknum.

    Snæfell tapaði boltanum 11 sinnum í leiknum en 20 sinnum í síðasta leik
    Brandon Cotton er kominn með 71 stig úr tveimur leikjum
    David Tairu setti niður 10 af 15 tveggja stiga skotum sínum
    Quincy Cole átti teiginn í kvöld og gerði fá mistök og endaði með 41 í framlagstigum
    Nonni Mæju þarf að fá sér nýja skó eftir að hægri sólinn fauk undan uppáhalds Kobe skónum hans sem hann keypti á e-bay.
    Emil Þór var hress þrátt fyrir tap sinna mann og tók í fjölmargar hendur í Hólminum á leið sinni út í rútu, enda drengur góður.

 

-Símon B. Hjaltalín.
-Myndir: Þorsteinn Eyþórsson.

 


 

17.10.2011 13:55

Stórleikir framundan hjá Snæfell


Unglingaflokkur kvenna mætir Keflavík kl 20.45 í kvöld eftur leik Snæfells og KR.

 

Körfuboltaveisla í kvöld :)


17.10.2011 13:54

Snæfell vann Hauka

Haukar gáfu Snæfelli sénsinn í lokin

Snæfellsstrákarnir fóru í heimsókn í Hafnarfjörð til Hauka og áttust við í fyrsta leik sínum í deildinni í vetur. Það má með sanni segja að það var ekki sannfærandi 89-93 sigurinn gegn fínu liði Hauka sem gaf okkur fyrstu stig vetrarins. Það má eiginlega orða það þannig að Haukar hafi gefið sigurinn frá sér undir lokin og Snæfell verið heppnir að fá að stela honum þar sem lítið benti til þess í leik þeirra að svo færi.

 

Haukar voru hressari á fyrstu skrefunum og komust í 4-0 en Snæfellingar fóru í gang og komust yfir 8-9 og skiptust liðin á að skora í fyrsta hluta og staðan 20-22 fyrir Snæfell. Þeir voru ekki margir komnir á blað en Brandon 7, Quincy 7 og Svenni 8 voru búnir að skora fyrir Snæfell, þó aðrir hafi lagt hönd á plóg í öðru en skori.

 

Leikurinn var allann tímann jafn og spennandi og heilt yfir var að sjá að Snæfelli vantar upp á varnarleikinn sem hefur oft verið betri og Haukar voru ekki með neinn stjörnuleik heldur og eiga þessi lið örugglega og vonandi meira inni. Haukar sprengdu sig fram úr Snæfelli í öðrum hluta 30-26 en Snæfelli náði spretti og komst yfir 37-41. Staðan var þó jöfn í hálfleik 43-43 og greinilegt að þetta að verða spurning um hvort liðið ætti sprettinn í lok leiksins. 

 

Barndon var kominn með 15 stig  og Quincy 9 stig og 10 fráköst.

 

Það varð úr að liðin skiptust á forystu og höfðu heimamenn Haukar undirtökin eftir þriðja hluta 71-69. Haukarnir tóku sig svo til og bættu í til að reyna að bíta Snæfell af sér og komust með fínni baráttu í 82-73. Adam var þó ekki lengi í paradís þar því Snæfell skoraði þá 6 stig gegn 2 Hauka og löguðu stöðuna aðeins í 84-79 og ekki seinna vænna því það var að detta í síðustu tvær mínútur leiksins.

 

Brandon Cotton fór þá á flug og kláraði svo til leikinn fyrir Snæfell því þegar staðan var 84-79 fyrir Hauka, setti hann næstu 9 stig Snæfells og staðan varð 86-88 fyrir Snæfell sem var komið yfir og ætlaði að gera síðustu andartök leiksins að sínum sem þeir gerðu og kláruðu leikinn á tæpasta vaði 89-93.

 

Snæfell þarf ábyggilega að taka nokkra punkta úr leiknum og fínstilla fyrir sinn fyrsta heimaleik á mánudaginn 17. okt kl 19:15 gegn KR.

 

Nánari tölfræði

 

Stigaskor Snæfells:

 

Brandon Cotton 33. Quincy Hankins Cole 17/15 frák/6 stoð. Pálmi Freyr Sigurgeirsson 16/5 frák. Sveinn Arnar Davíðsson 12/7 stoðs. Ólafur Torfason 7/8 frák. Jón Ólafur Jónsson 6/9 frák/4 stoð. Hafþór Gunnarsson 2. Egill Egilsson 0. Daníel, Snjólfur Guðni og Þorbergur skoruðu ekki.

 

Stigaskor Hauka:

 

Jovanni Shuler 20/7 frák. Örn Sigurðarson 16/6 frák. Davíð Páll Hermannsson 14/8 frák. Haukur Óskarsson 14/5 frák. Sveinn Sveinsson og Sævar Haraldsson 9 stig hvor. Helgi Einarsson 5. Emil Barja 2. Óskar Ingi, Guðmundur, Steinar og Andri skoruðu ekki. 

 

Punktar.

  • Snæfell tapaði boltanum 20 sinnum á móti 12 hjá Haukum.
  • Snæfell hafði betur í % nýtingu í skotum í leik en Haukar voru með töluvert betri vítanýtingu 83% 15/18 gegn 54% Snæfells 14/26
  • Brandon skoraði 33 stig í sínum fyrsta deildarleik fyrir Snæfell og þar af 10 stigá síðustu 3 mínútum leiksins. 
  • Svenni var með 100% nýtingu inn í teig 4/4


Umfjöllun af Karfan.is

Sagt eftir leik

Myndasafn á Karfan.is

13.10.2011 09:43

Snæfellsstúlkur með sigur á Val

Gríðalega flottur sigur í fyrsta leik hjá mfl kvenna

 

Stúlkunum í meistaraflokki kvenna tókst að binda 9 manna liðið saman í kvöld og skiluðu gríðalega sterkum sigri á hátt skrifuðu lið Vals 79-70. Í liðið hjá stúlkunum vantaði Björg Guðrúnu og Rósu Kristínu sem glíma við meiðsli og Söru Sædal sem átti ekki heimagegnt í leikinn og munar heilmikið um þessar þrjár í liðinu þó allar hinar hafi stigið upp og þjappað sér saman. 

 

Valsstúlkur áttu fyrstu stig leiksins en Snæfell komst strax í 2-9 með Hildi Sigurðar og Hildi Kjartans fremstar í flokki en þær voru að leiða liðið heilt yfir í leiknum. Valsstúlkur komu þó til baka og komust yfir 13-11 þar sem þeirra bestar voru María Ben og Melissa Leichlitner. Snæfellsst+ulkur voru þó ekki að láta það slá sig útaf laginu og eftir flotta byrjun í fyrsta hluta 19-28 fyrir Snæfelli var ekki aftur snúið og voru þær yfir allann leikinn. 

 

Snæfelli leiddi að mestu með 8-9 stigum að meðaltali í leiknum þó Valur næðu að klóra þetta í 4-5 stig á köflum þá voru þær ekki með úthald í að elta þetta uppi alla leið og Snæfell settu allt í gang og stukku frá þeim aftur. Staðan í hálfleik var 32-39 fyrir Snæfell og voru Kieraah Marlow og Hildur Björg með 8 stig hvor, Hildur Sig 6 stig og 6 fráköst. Hja Val var Melissa Leichlitner með 10 stig og Kristrún Sigrjóns 8 stig.

 

Eftir 3. hluta var staðan 50-57 fyrir Snæfell. Um miðjan 4. hluta fór ábyggilega um áhorfendur þegar Valur setti í nokkur stopp og komust nær 63-67 en með Hildurnar okkar, sem settu þá næstu fjögur stig og komu Snæfelli í 63-71, var baráttan á síðstu mínútunum sett í gang og Snæfell hélt haus þrátt fyrir tilraunir Valsstúlkna að komast nær og sigldu sigrinum í höfn 70-79.

 

 

 

Gríðalega flottur sigur hjá okkar stúlkum og þeirra næsti leikur gegn Haukum í Stykkishólmi þriðjudaginn 18. október kl 19:15.

 

Nánari tölfræði hérna     -Kieraah Marlow var #4 á tölfræði blaðinu.-

 

Stigaskor Snæfells:

 

Hildur Sigurðardóttir 24/9 frák/4 stoðs. Hildur Björg Kjartansdóttir 16/6 frák. Kieraah Marlow 16. Helga Hjördís Björgvinsdóttir 8/8 frák. Berglind Gunnarsdóttir 7. Alda Leif Jónsdóttir 4. Ellen Alfa Högnadóttir og Sara Mjöll Magnúsdóttir 2 stig hvor. Aníta Rún Sæþórsdóttir spilaði en náði ekki að skora.

 

Stigaskor Vals:

 

Kristrún Sigrjónsdóttir 20 /5 frák. Melissa Leichlitner 17. María Ben Erlingsdóttir 15. Berglind Ingvarsdóttir 8. Signý Hermannsdóttir 6/6 frák. Guðbjörg Sverrisdóttir 2. Þórunn Bjarnadóttir 2/10 frák. Hallveig, Ragnheiður, Adda og Brynja 0.

Unnur Lára Ásgeirsdóttir lék í kvöld en náði ekki að skora. María Björnsdóttir lék ekki vegna meiðsla og Kristín Óladóttir lék heldur ekki í kvöld. 

 

-Símon B. Hjaltalín-

Myndir: Þorsteinn Eyþórsson

 

HSH

Nafn:

Héraðssamband Snæfellsnes og Hnappadalssýslu

Farsími:

865-0294

Afmælisdagur:

24 september 1922

Heimilisfang:

Sólvellir 3. 350 Grundarfirði

Staðsetning:

Snæfellsnes

Heimasími:

436-1635

Önnur vefsíða:

umfi.is

Kennitala:

620169-5289

Bankanúmer:

0191-15-370322

Tenglar

Flettingar í dag: 1981
Gestir í dag: 44
Flettingar í gær: 847
Gestir í gær: 55
Samtals flettingar: 3292454
Samtals gestir: 253526
Tölur uppfærðar: 17.1.2018 10:10:10
Flettingar í dag: 1981
Gestir í dag: 44
Flettingar í gær: 847
Gestir í gær: 55
Samtals flettingar: 3292454
Samtals gestir: 253526
Tölur uppfærðar: 17.1.2018 10:10:10