Unglingalandsmótið á Egilsstöðum

Það voru talsvert mikið færri keppendur í ár frá HSH en þeir voru tæplega 20 talsins. Þrátt fyrir það stóðu þau sig með miklum sóma og komu heim með ýmsar viðurkenningar. Snjólfur Björnsson lenti í 2. sæti í hástökki 16 -17 ára þegar hann stökk 178 cm. Hann varð í 4. sæti í langstökki og í 8. sæti í 100m spretti.Jón Páll Gunnarsson varð unglingalands-mótsmeistari í kúluvarpi (1. sæti) 13. ára pilta og kastaði 11,61 m, hann varð svo í 5. sæti í spjótkasti og kastaði 36,59 m.  Stelpur 15-16.ára urðu líka unglingalands-mótsmeistarar í fótbolta(1. sæti), þjálfari liðsins var Jónas Gestur Jónasson frá Ólafsvík. Liðið var skipað þeim  Rakel, Gestheiði, Thelmu, Selmu, Heklu Fönn, Rebekku Rán, Elínu, Irmu og Anítu Rún. Þetta var eini hópurinn sem náði í lið bara með HSH keppendum.
       Það voru keppendur frá HSH í þremur körfuboltaliðum. Strákar 13-14.ára voru 3 frá HSH, Jón Páll Gunnarsson, Hafsteinn Helgi Davíðsson og Haukur Hreinsson og voru þeir skráðir í blandað lið sem þeir nefndu Miami og lentu þeir í 2. sæti eftir spennandi leik við Fjölnismenn. Stelpur 15-16. ára voru 4 frá HSH Helena Helga Baldursdóttir, Hekla Fönn Dórudóttir, Rebekka Rán Karlsdóttir og Aníta Rún Sæþórsdóttir og skráðu þær sig í lið með UMSS (Tindastóll). Þjálfari liðsins var Karl Jónsson frá Sauðárkróki. Þær urðu unglingalandsmótsmeistarar (1. sæti).  Strákar 17-18. ára, Snjólfur Björnsson stofnaði liðið Há Ess Há með honum voru Þorbergur Helgi Sæþórsson og tveir drengir frá UMSB, þeir Andrés Kristjánsson og Davíð Guðmundsson.  Svo fengu þeir Jón Pál Gunnarsson og Jóhann Kristófer Sævarsson til að spila með sér og urðu þeir líka unglingalandsmótsmeistarar í 17-18  ára.  Þjálfari liðsins var Sæþór Þorbergsson. Kristófer spilaði líka í blönduðu liði í sínum aldursflokki.
       Það má því með sanni segja að þau hafi staðið fyrir sínu, fulltrúar HSH á Egilsstöðum, þegar litið er yfir árangurinn: Unglingalandsmótsmeistarar í knattspyrnu 15-16 ára stelpur, Körfubolta 15-16. ára stelpur, Körfubolti 17-18. ára karlar og Kúluvarp 13. ára pilta, silfur í körfubolta 13-14. ára drengir og hástökki 16-17. ára.  Krakkarnir voru að sjálfssögðu til fyrirmyndar bæði innan sem utan vallar.

 

Næsta verður haldið á Egilsstöðum um verslunarmannahelgina 2011. Ungmenna og íþróttasamband Austurlands er mótshaldari og stefnt er að því að halda glæsilegt mót við góðar aðstæður.

 Unglingalandsmótin eru vímuefnalaus íþrótta- og fjölskylduhátíð og frábær kostur fyrir alla þá sem velja heilbrigt og vímuefnalaust umhverfi samhliða því að taka þátt í fjölbreyttri íþróttakeppni.

Allir á aldrinum 11 - 18 ára geta tekið þátt í íþróttakeppni á Unglingalandsmótinu. Keppendur greiða eitt mótsgjald, kr. 6.000.- og fá með því þátttökurétt í öllum keppnisgreinum.

Glæsileg íþróttamannvirki eru til staðar á Egilsstöðum en Landsmót UMFÍ var haldið þar árið 2001 og töluverð uppbygging varð í kringum það mót.   Íþróttaleikvangurinn er vel staðsettur í hjarta bæjarins.  Sundlaug og íþróttahús er þar rétt við hliðina og  öll önnur íþróttamannvirki í næsta nágrenni.

 Tjaldstæði keppenda verður afskaplega vel staðsett og í göngufæri við keppnissvæðin.

 Samhliða íþróttakeppninni verður fjölbreytt skemmtidagskrá í boði fyrir alla fjölskylduna á daginn. Þar má nefna að skemmtidagskrá verður í Tjarnargarðinum alla daga.  Sprelligosa- og Fjörkálfaklúbbar, leiktæki fyrir born og unglinga og  gönguferðir með leiðsögn alla daga fyrir þá sem eldri eru. Þá verða fjölbreyttar kvöldvökur og síðan flugeldasýning á sunnudagskvöldið eins og venja er.

HSH

Óskar öllum gleðilegra jóla og

farsældar á komandi ári

Þökkum samstarf og stuðning á árinu

sem er að líða

Keppendur HSH á ULM 2010 hefur gengið mjög vel í allri keppni. Þrátt fyrir breytingar og keyrslu á milli tjaldsvæðis og keppnisstaða hafa allir keppendur náð að mæta í sínar greinar og staðið sig mjög vel. Meðal annars unnu stúlkur 13 ára 4 x 100m boðhlaup glæsilega.
Öll úrslit eiga að vera kominn inn á ULM  http://www.umfi.is/umfi09/unglingalandsmot/urslit/
Síðan er valið íþróttagrein

Myndir af keppendum og verðlaunaafhendingu er undir myndir.


Úr brekkunni

Magnús á Snorrastöðum í skákkeppninni

13 Unglingalandsmót UMFÍ í Borgarnesi er hafið.


HSH er með 85 keppendur í flest öllum greinum,

6 lið eru í knattspyrnu og 5 lið í körfubolta.

Körfubolti hófst í dag kl 13.00

Flest liðin hafa núna spilað og öllum gengið vel.
 
Góð mæting er á tjaldsvæðið og rúmt um alla.
Nýtt dreyfikerfi hefur verið sett upp fyrir rafmagn á tjaldsvæðinu og
eiga allir kost á að kaupa rafmagn.

Nánari fréttir af keppendum og fylgismönnum verða síðar.

Nú er dagskrá 13. Unglingalandsmóts UMFÍ komin inn á heimasíðuna.

 

Þar er að finna heildardagskrá mótsins auk umfjöllunar um einstaka dagskrárliði.

 

Þá er þar yfirlitskort yfir Borgarnes og nágrenni þar sem helstu kennileiti eru merkt inn. Smellið á kortið hér til hliðar til að stækka það.

 

Athygli er vakin á því að móttaka keppenda og afhending gagna er í Upplýsingamiðstöð Vesturlands, Sólbakka 2, en þaðan er ekið inn á tjaldsvæðið. Gestir eru hvattir til að forðast að aka um miðbæ Borgarness með tjaldvagna og fellihýsi.

 

Móttakan í Upplýsingamiðstöð Vesturlands verður opin fimmtudag og föstudag.

Almenn upplýsingagjöf á meðan mótið stendur verður í Grunnskóla Borgarness.

 

Nú líður senn að Unglingalandsmóti í Borgarnesi. Keppni í körfubolta fer fram á tveimur völlum í Íþróttamiðstöð Borgarness.

 

Þar sem búist er við miklum fjölda keppenda er áætlað að keppni hefjist á hádegi fimmtudaginn 29. júlí.

 

Það má því búast við að mótsgestir taki að streyma í Borgarnes strax á miðvikudegi.

Unglingalandsmót UMFÍ - Borgarnesi    

Allir á aldrinum 11 - 18 ára geta tekið þátt í íþróttakeppni á Unglingalandsmótinu. Keppendur HSH greiða eitt mótsgjald, kr. 4.000.- og fá með því þátttökurétt í öllum keppnisgreinum. Búseta og aðild að íþróttafélagi skiptir engu máli, allir hafa jafnan rétt til keppni á mótinu. Keppnisgjald á ULM 2010 er kr 6000.- en HSH niðurgreiðir að hluta og því er áríðandi að skráning fari í gegnum skrifstofu.

Keppnisgreinar á Unglingalandsmótinu verða dans, frjálsíþróttir, glíma, golf, hestaíþróttir, knattspyrna, körfubolti, mótocross, skák og sund. Þá gefst fötluðum kostur á að keppa í sundi og frjálsíþróttum.

 Skráning keppenda hefst mánudaginn 12. júlí.

Skráningu lýkur á miðnætti föstudaginn 23. júlí.

Senda þarf skráningu á netfangið HSH@hsh.is.

Nafn, kennitala, keppnisgreinar, foreldrar, símanúmer og netföng þurfa að vera á skráningunni.

Greiða þarf keppnisgjald á reikning. 0191-15-370322

kt 620169-5289

Unglingalandsmót UMFÍ - Borgarnesi                             

Unglingalandsmót UMFÍ verður haldið í Borgarnesi um verslunarmannahelgina. Ungmennasamband Borgarfjarðar er mótshaldari þessa Unglingalandsmóts. Unglingalandsmótin eru vímuefnalaus íþrótta- og fjölskylduhátíð og frábær kostur fyrir alla þá sem velja heilbrigt og vímuefnalaust umhverfi samhliða því að taka þátt í fjölbreyttri íþróttakeppni.

Allir á aldrinum 11 - 18 ára geta tekið þátt í íþróttakeppni á Unglingalandsmótinu. Keppendur greiða eitt mótsgjald, kr. 4.000.- og fá með því þátttökurétt í öllum keppnisgreinum. Búseta og aðild að íþróttafélagi skiptir engu máli, allir hafa jafnan rétt til keppni á mótinu.

Keppnisgreinar á Unglingalandsmótinu verða dans, frjálsíþróttir, glíma, golf, hestaíþróttir, knattspyrna, körfubolti, mótocross, skák og sund. Þá gefst fötluðum kostur á að keppa í sundi og frjálsíþróttum.

 Skráning keppenda hefst mánudaginn 12. júlí.

Skráningu lýkur á miðnætti föstudaginn 23. júlí.

 HSH mætir að sjálfsögðu til leiks á unglingalandsmótið í Borganesi.  Fyrirkomulagið verður eins og undanfarin ár. 

Keppendur, einstaklingar eða lið skrá sig til leiks á með því að senda tölvupóst á HSH@ hsh.is  Þar þarf að koma nafn, kennitala, keppnisgrein/ar og nafn foreldra ásamt síma og tölvupóstfangi foreldra.

 Greiða þarf keppnisgjald kr 4000.- inn á reikning 0191-15-370322. Kt 620169-5289 

Greiðsla á keppnisgjaldi fer í gegnum HSH.  Eitt keppnisgjald er fyrir einstakling og fær hann þá keppnisrétt í öllum keppnisgreinum á mótinu.  HSH fær úthlutað ákveðnu svæði á tjaldsvæði mótsins þar sem allt okkar fólk ætti að geta komið sér vel fyrir.  Þar mun HSH setja upp samkomutjald þar sem hægt verður að setjast niður,  spjalla og hafa gaman. 

Farastjóri verður Garðar Svansson.

Margrét Baldursdóttir hefur verið ráðin verkefnastjóri 13. Unglingalandsmóts Ungmennafélags Íslands sem verður haldið í Borgarnesi dagana 30. júlí til 1. ágúst í sumar.

Margrét er menntaður tölvunarfræðingur og hefur lokið námi í viðburðastjórnun frá Háskólanum á Hólum.

Margrét sagði alveg ljóst að við undirbúning á svona móti væri í mörg horn að líta.

 

,,Ég hef verið að skoða fyrri mót og koma mér þannig betur inn í starfið. Starfið leggst vel í mig og það verður gaman að vera í Borgarnesi í sumar. Mér finnst það mjög spennandi verkefni að koma að undirbúningi þessa móts og hlakka mikið til þegar stóra stundin rennur upp," sagði Margrét Baldursdóttir.

 

 

Mynd: Margrét Baldursdóttir verkefnastjóri Unglingalandsmót UMFÍ sem verður í Borgarnesi í sumar.